1. Ten einde sentrumbestuurders in staat te stel om die nodige reëlings te tref om die uitslae af te haal en te kontroleer, word die volgende inligting en datums verskaf. Let asseblief daarop dat hierdie datums en tye aan u bekendgemaak sal word. Onderwysdistrikte sal ten volle op hoogte gehou word.

1.1Dinsdag, 30 Desember 2008 om 08:00
LW: Nie voor 08:00 nie		Prinsipale, sentrumbestuurders/ afgevaardigde personeellede kry resultate by onderwysdistriks- kantore.

1.2Prinsipale/Sentrumbestuurders kry 4 uur tyd om uitslae vir enige ooglopende foute te kontroleer. Hierdie foute moet uitgesorteer word deur die Direktoraat: Eksamenadministrasie te skakel.

1.3Dinsdag, 30 Desember 2008 om 12:00Uitslae kan by die onderskeie skole/sentrums aan leerders bekend gemaak word.
 LW: GEEN resultate mag aan kandidate bekendgemaak word en GEEN inligting in hierdie verband mag aan die pers verskaf word voor 12:00 nie.

1.4Dinsdag, 30 Desember 2008 om 09:00LUR: Onderwys maak provinsiale uitslae bekend.

1.5Woensdag, 31 Desember 2008:Eksamenuitslae sal ook elektronies beskikbaar wees om 06:00 op die volgende webwerf: http://wced.wcape.gov.za.

1.6Kandidate sal hulle eksamennommers en hulle identiteitsnommers moet invoer om hulle Individuele uitslae op die WKOD-webtuiste te kan sien.

1.7Maandag, 5 Januarie 2008 na 12:00Onafgehaalde uitslae word deur onderwysdistrikskantore aan die sentrums gepos.

2. Die Departement moet ingelig word aangaande reëlings van skole/sentrums om hulle uitslae te kom haal. Prinsipale/sentrumbestuurders word versoek om die aangehegte vorm te voltooi en na die onderwysdistrikskantoordirekteur te stuur teen 26 November 2008. Hierdie inligting sal ook gebruik word om daardie prinsipale/sentrumbestuurders te kontak wat uitgenooi word om die Toekenningseremonie op 30 Desember 2008 by te woon.

3. Dit is uiters belangrik dat kandidate wat nie die eksamen slaag nie ondersteuning en berading ontvang en kandidate moet ingelig word dat sulke dienste beskikbaar is. Kandidate kan by die skool berading ontvang wanneer hulle hulle uitslae ontvang of, waar van toepassing, by die onderskeie onderwysdistrikskantore, waar departementele personeel beskikbaar sal wees. Indien 'n prinsipaal/sentrumbestuurder 'n kandidaat na 'n onderwysdistrikskantoor verwys, moet daardie prinsipaal aan die kandidaat die telefoonnommer en adres verskaf en die besonderhede van die kandidaat aan die onderwysdistrikskantoor voorsien. Dikwels soek kandidate wat berading nodig het nie uit vrye wil berading nie en 'n oproep word gedoen op prinsipale om bewus te wees van die gevoel van kandidate wie se verwagtings nie verwesenlik is nie.

4. VRYSTELLING VAN INLIGTING AAN DIE MEDIA

Die media sal ook geïnteresseerd wees om inligting van skole te verkry aangaande kandidate wat uitsonderlik goed presteer het in die Nasionale Senior Sertifikaat-eksamen. Prinsipale en sentrumbestuurders mag sodanige inligting en foto's aan die media verskaf na beraadslaging met ouers. Die toppresteerders kan geïdentifiseer word n.a.v. die getal vakonderskeidings wat verwerf is (bo 80%) in die ses vakke wat aan die vereistes voldoen vir die toekenning van 'n Nasionale Senior Sertifikaat (twee tale, Wiskunde/Wiskundige Geletterdheid en drie ander vakke, Lewensoriëntering uitgesluit).


SIGNED: T. SINGH
HEAD: EDUCATION
DATE: 2008:11:19

Afhaal van eksamenuitslae - kontakinligting  (size: 73 KB)