| 1. |
Die aangehegte eisvorm (Bylae A) moet voltooi word deur die hoofopsiener t.o.v. homself/haarself en elke hulpopsiener wat by 'n spesifieke eksamensentrum toesig gehou het. Die eisvorm moet in swart ink voltooi word. Die prinsipaal of sentrumbestuurder moet die aantal sessies bevestig en die eisvorm mede-onderteken.
|
| 2. |
Die Departement moet skriftelik verwittig word van enige verandering in die opsiener se adres wat plaasgevind het nadat die nominasievorms voorgelê is.
|
| 3. |
Tronke wat opsieners gebruik wat nie hulle eie personeel is nie word versoek om die Departement skriftelik van sulke reëlings te verwittig.
|
| 4. |
Opsieners sal teen Departementele tariewe vergoed word. Die aangepaste tariewe is soos volg:
Hoofopsiener R114.65 per sessie
Hulpopsiener R76.45 per sessie
U word daaraan herinner dat onafhanklike skole en kolleges verantwoordelik is vir die vergoeding van hulle eie opsieners.
|
| 5. |
Vir die vergoeding van opsieners sal eksamensessies voor 12 uur in die middag beskou word as oggendsessies (spoed-akkuraatheidstoetse in Tik uitgesluit). Eksamensessies wat na 12 uur in die middag begin, word as middagsessies beskou.
|
| 6. |
Eise ontvang vir plaasvervangeropsieners sal slegs geprosesseer word indien die korrekte nominasie en aanstellingsprosedures gevolg is.
|
| 7. |
Maak asseblief seker dat slegs die voorgeskrewe getal assistentopsieners per sessie gebruik word. 'n Verduidelikende brief moet enige eis vir addisionele opsieners vergesel.
|
| 8. |
Die meerderheid van prinsipale het reeds ingestem dat die Departement die opsienersgeld in hulle skool se bankrekening kan inbetaal. Aangesien die Nasionale Senior Sertifikaat-eksamen eers op 3 Desember 2008 ten einde loop, sal dit nie vir die Departement moontlik wees om die fondse in skole se bankrekeninge oor te betaal voordat die skole op 9 Desember 2008 sluit nie. Die fondse sal egter op 11 Desember 2008 beskikbaar wees. Dit sal waardeer word indien prinsipale op die aangehegte antwoordvorm (Bylae B) kan aandui of hierdie reëling vir die betaling van opsieners op hierdie datum aanvaarbaar is. Om die opsieners se eise van hierdie skole teen 11 Desember 2008 te prosesseer, moet hierdie vorms die Departement teen 3 Desember 2008 bereik. Eise wat na daardie datum ontvang is, sal slegs in Januarie 2009 betaal word.
|
| 9. |
Die eisvorm verskaf kolomme vir hoofopsieners wat die verpligte opleidingsessies bygewoon het. Eisers moet aandui watter afstand hulle afgelê het, of dit van binne 'n radius van 75 km of buite daardie radius was. Hulle mag net vir een opleidingsessie eis indien hulle van binne 'n radius van 75 km gereis het, en vir twee sessies indien hulle van buite daardie radius gereis het.
|
| 10. |
Hoofopsieners wat gehelp het met die ontvangs en kontrolering van eksamenvraestelle moet hulle eis vir hierdie diens in die gepaste kolom op die eisvorm aandui. Hulle mag vir slegs een verdere sessie vergoeding eis indien hulle met die kontrolering van die 4 besendings van vraestelle hulp verleen het.
|
| 11. |
Om te help dat opsieners se eise stiptelik betaal word, mag die vorms na hierdie kantoor gefaks word, na faksnommer 021 461 5637 of 086 692 2242. Indien u verkies om die eis te faks, moet die oorspronklike eisvorm na die Departement gepos word. Die hoofopsiener moet 'n afskrif van die voltooide eisvorm vir rekorddoeleindes hou.
|
| 12. |
Onmiddellik na die laaste eksamensessie by u sentrum, moet die oorspronklike kopie van die eisvorm op die vinnigste manier na een van die volgende adresse gestuur word, hetsy per pos, koerierdiens of hand:
Posadres Straatadres
Die Hoof: Onderwys Die Hoof: Onderwys
Vir aandag: Vir aandag:
Me VB du Plessis/Me E du Toit Me VB du Plessis/Me E du Toit
Wes-Kaap Onderwysdepartement Wes-Kaap Onderwysdepartement
Direktoraat: Eksamens Direktoraat: Eksamens
Privaatsak X9114 5de vloer - Kamer 515 A
KAAPSTAD Grand Central Towers
8000 Laer Parlementstraat,
KAAPSTAD, 8000
|
GETEKEN: T. SINGH
HOOF: ONDERWYS
DATUM: 2008:11:17
|