1. Eksamenskrifte, saam met alle ander eksamenverwante dokumente, moet verpak word ooreenkomstig die prosedures soos gestipuleer in die Prosedurehandleiding vir Prinsipale, Sentrumbestuurders, Hoofopsieners en Opsieners en moet gestuur word aan die Departement op die oplaaidatums soos gereël is wat hieronder in paragraaf 3 uiteengesit is.
2. Onder geen omstandighede mag eksamenskrifte aan die Departement gepos word of persoonlik deur prinsipale of hoofopsieners afgelewer word nie.
3. Skynet sal die skrifte by eksamensentrums kom oplaai en by die Departement aflewer tussen 08:00 en 15:00 op die volgende datums:

Dinsdag
Donderdag
Dinsdag
Donderdag
Maandag
Dinsdag
Woensdag
Donderdag
Vrydag
Maandag
Dinsdag
Woensdag
Donderdag
Vrydag
Maandag
Dinsdag
Woensdag
Donderdag
04 November 2008
06 November 2008
11 November 2008
13 November 2008
17 November 2008
18 November 2008
19 November 2008
20 November 2008
21 November 2008
24 November 2008
25 November 2008
26 November 2008
27 November 2008
28 November 2008
01 December 2008
02 December 2008
03 December 2008
04 December 2008
OOV Vlak 4 en NSS
OOV Vlak 4 en NSS
OOV Vlak 4 en NSS
OOV Vlak 4 en NSS
OOV Vlak 4 en NSS
OOV Vlak 4 en NSS(OOV Vlak 4 Finale versameling)
NSS
NSS
NSS
NSS
NSS
NSS
NSS
NSS
NSS
NSS
NSS
NSS (Finale versameling)
4. TERUGSENDING VAN SKRIFTE
4.1 Geliewe te verseker dat alle dokumente korrek voltooi is en dat 'n Strepieskode Eksamensentrum Nasporings Plakker op elke verpakking verskyn. Die volgende dokumente moet voltooi word:

  • "Courier Collection Register", moet op daaglikse basis deur Skynet se verteenwoordiger wat die pakkies kollekteer, voltooi word, en
  • "Confirmation of Final Collection", moet onmiddellik gefaks word nadat Skynet se verteenwoordiger die finale verpakking van skrifte by die sentrum gekollekteer het.
4.2 Opsieners word versoek om 'n aantal kleiner stelle skrifte in dieselfde sak te plaas om die getal pakkette per besending tot die minimum te beperk. Die grys plastieksakke wat deur die Departement voorsien word vir die terugsending van skrifte kan elk ongeveer 200 skrifte hou. Een plastieksak kan gebruik word vir die skrifte van meer as een eksamensessie of vak.

Onder geen omstandighede mag plastieksakke wat minder as 200 skrifte bevat, teruggehou word op die dae wat Skynet eksamenskrifte kom oplaai nie. Alle skrifte in u besit moet aan die koeriers gegee word wanneer hulle arriveer.

4.3 Nadat die Skynet-verteenwoordiger die pakke skrifte opgelaai het, sal daar 'n afskrif van die versendingsbrief aan u gegee word wat, saam met die puntebladkontrolelyste op lêer geplaas moet word deur die hoofopsiener vir rekorddoeleindes.
4.4 Onder geen omstandighede mag die Nasionale Senior Sertifikaat-geleibriewe vir enigiets anders gebruik word as vir die terugsending van eksamenverwante dokumente nie. Alle ongebruikte geleibriewe moet aan die Direktoraat: Eksamens terugbesorg word saam met die finale pakke skrifte.
5. Prinsipale/Sentrumbestuurders, met die hulp van die hoofopsiener, moet seker maak, voor die skool sluit vir die einde van die kwartaal, dat al die eksamenskrifte deur die koerier opgelaai is teen 11:00 op 4 Desember 2008.

Indien daar skrifte is wat nie opgelaai is nie, moet me B Klaas van die Direktoraat: Eksamenadministrasie ONMIDDELLIK daarvan in kennis gestel word by 021 467 9330.

6. Om die proses ordelik te laat verloop, word hoofde van inrigtings vriendelik versoek om die nodige reëlings te tref vir die veilige bewaring van vraestelle en antwoordskrifte. Hulle moet ook seker maak dat elke hoofopsiener 'n afskrif kry van hierdie Eksamenadministrasieminuut.


GETEKEN: AP CLAUSEN
HOOF: ONDERWYS
DATUM: 2008:10:30