1. Die Wes-Kaap Onderwysdepartement (WKOD) sal in Oktober 2008 die BOOV Vlak 4-eksamens aanbied ooreenkomstig die toepaslike reëls, kriteria en standaarde.
2. Alle geregistreerde WKOD-gemeenskapsleersentrums (GLS'e) word versoek om hulle kandidate in te skryf vir eksamens in die leerareas van hulle keuse, maar slegs indien hulle al die eenheidstandaarde in die betrokke leerareas voltooi het. Waar moontlik sal aan al die leerareabehoeftes van die leerders voldoen word. Die Direktoraat: Eksamenadministrasie behou hom egter die reg voor om geen assessering aan te bied in ‘n leerarea waar daar te min inskrywings is nie.
3. Die eksamenpunt van ‘n leerarea tel 50% van die totale punt. Die ander 50% is afkomstig van ‘n gemodereerde leerplekgebaseerde assesseringsportefeuljes.
4. Die rooster vir die Oktober 2008-eksamen is verskaf in Assesseringsbestuursminuut: 0008/2008.
5. Sentrumbestuurders word versoek om 'n afsonderlike kopie van die ingeslote inskrywingsvorms in te vul ten opsigte van elke kandidaat wat verlang om vir die eksamen in te skryf. Die inskrywingsvorm van ‘n kandidaat wat as gevolg van siekte of ander onvermydelike omstandighede nie beskikbaar is nie moet onderteken word deur die sentrumbestuurder wat egter teenoor sy of haar handtekening moet aandui dat die leerder afwesig was.
6. Ten opsigte van die versoek om die “tipe inskrywing” op die vorm in te vul, gebruik asseblief die gepaste kode om aan te dui of die kandidaat van ‘n departementele (openbare) of 'n onafhanklike (industriële) volwassene-leersentrum afkomstig is.
7. Let asseblief daarop dat geen leerareaveranderings toegelaat sal word nadat die inskrywings gefinaliseer is nie. Dit is dus van die allergrootste belang dat inskrywingsvorms noukeurig en met die grootste sorg voltooi moet word.
8. Alle voltooide inskrywingsvorms, in streng alfabetiese volgorde gerangskik en vergesel van
Bylae A, moet die Direktoraat: Eksamenadministrasie bereik teen nie later nie as Vrydag, 22 Augustus 2008. Geen laat inskrywings sal aanvaar word nie.
9. Die riglyne rakende die standaardisering, appèlle en sertifisering kan verkry word in Omsendbrief 0027/2004 en moet saamgelees word met die dokument, Nasionale beleid oor die afneem van die BOOV-vlak 4-eksamens, wat in 2002 aan openbare volwasseneleersentrums voorsien is.


GETEKEN: AP CLAUSEN
HOOF: ONDERWYS
DATUM: 2008:07:30

Inskrywingsvorm vir Oktober 2008  (grootte: 25 KB)
Bylae A: BOOV-Vlak 4: Sentrum Besonderhede  (grootte: 20 KB)

National Policy on the Conduct of the ABET Level 4 Examinations  (grootte: 2 822 KB)
(Nasionale beleid oor die afneem van die BOOV-vlak 4-eksamens)