| 1. |
Die voorlopige inskrywings vir die bogenoemde eksamen is ingesluit vir kontrolering. Indien enige kandidaat se besonderhede foutief is, moet die korreksie(s) in rooi aangebring word op die kandidate se drukstukke. In gevalle waar kandidate uitgelaat is, moet al die besonderhede van sodanige kandidate (soos vereis vir die voorlopige lys inskrywings) op skrif voorgelź word aan die Direktoraat: Eksamenadministrasie.
|
| 2. |
Dit is nou die finale geleentheid om veranderinge aan te bring aan die kandidate se eksamenbesonderhede. Hou asseblief 'n afskrif van hierdie drukstukke en enige korreksie(s) wat aangebring is op rekord.
|
| 3. |
Let asseblief daarop dat die vak Wiskunde 'n Derde Vraestel het wat opsioneel is. Indien u egter kandidate het wat die Derde Vraestel wil skryf, moet u "Vraestel 3" in rooi aandui langs die vak Wiskunde op die leerder se drukstuk.
|
| 4. |
Vir elke musiekvak moet die musiekinstrument wat die kandidaat aanbied, aangedui word. U moet asseblief die naam van die musiekinstrument wat die kandidaat aanbied, langs die kandidaat se musiekvak inskryf.
|
| 5. |
Elke kandidaat se drukstuk moet deur die kandidaat, ouer of voog (indien moontlik) en die prinsipaal onderteken word om te bevestig dat die inligting daarop nagegaan is en, waar nodig, gekorrigeer is. Selfs indien geen foute op 'n kandidaat se drukstuk voorkom nie, moet die prinsipaal skriftelik bevestig dat die kandidaat se eksamenbesonderhede korrek is.
|
| 6. |
Sodra dit gekontroleer, gewysig (indien nodig) en onderteken is, moet die kandidate se drukstukke na die Direktoraat: Eksamenadministrasie teruggestuur word (vir aandag: Mev C Abrahams) teen Maandag, 21 Julie 2008.
|
| 7. |
U samewerking sal baie waardeer word.
|
SIGNED: T SINGH
HEAD: EDUCATION
DATE: 2008:06:20
|