| 1. |
WERWING EN AANSTELLING VAN OPSIENERS
Prinsipale van skole en bestuurders van leersentrums vir volwassenes word vriendelik versoek om geskikte persone uit die gemeenskap te werf om as hoofopsieners en hulpopsieners vir die bogenoemde eksamens op te tree.
Nominasies vir alle opsieners moet gemaak word op Addendum A, wat onmiddellik voorgelê moet word aan die kringbestuurder. Die kringbestuurder moet sodanige aanstellings goedkeur en die finale lys name aan die Departement voorlê voor óf op 26 Junie 2008.
Die nominasielys moet vergesel word van 'n gesertifiseerde kopie van die ID en die jongste akademiese rekord (ten minste gr 12) van elke genomineerde.
Wanneer hoofopsieners genomineer word, moet die volgende aspekte in oorweging geneem word:
|
| 1.1 |
Die kringbestuurder moet 'n persoonlike onderhoud voer met die persoon wat genomineer is as hoofopsiener.
|
| 1.2 |
Die kringbestuurder moet seker wees van die genomineerde se lees-, skryf-, gehoor- en visuele vermoëns, sowel as sy/haar gesondheidstoestand.
|
| 1.3 |
Die kringbestuurder moet seker maak dat die genomineerdes vir hoofopsiener ook bereid is om as hoofopsiener vir die Maart 2009 Nasionale Senior Sertifikaat se aanvullende eksamen en die Mei/Junie 2009 se Senior Sertifikaat-eksamen op te tree indien hulle dienste benodig word.
|
| 1.4 |
Dit moet egter duidelik gestel word aan hoofopsieners dat, indien hulle hulleself beskikbaar stel om as hoofopsieners vir Maart 2009 en Mei/Junie 2009 aangestel te word, hulle hulle by daardie besluit moet neerlê.
|
| 1.5 |
Applikante of genomineerdes wat vir voltydse diens elders aansoek gedoen het, moet verkieslik nie vir aanstelling oorweeg word nie.
|
| 2. |
NOMINASIE VAN HOOFOPSIENERS
|
| 2.1 |
Addendum B (Nominasie van hoofopsieners) moet deur die prinsipaal of sentrumbestuurder voltooi word waarna 'n afdruk onmiddellik aan die persoon wat as hoofopsiener genomineer is, oorhandig moet word. Hierdie nominasiebrief bevat belangrike instruksies.
Gewaarmerkte afskrifte van die genomineerde se ID en sy/haar jongste akademiese rekord (gr 12-uitslag) moet by ADDENDUM B aangeheg word.
|
| 2.2 |
Gedurende die onderhoud met die genomineerde hoofopsiener moet die kringbestuurder, indien hy tevrede is dat die persoon wat genomineer is 'n geskikte persoon is wat in staat is om die vereiste pligte uit te voer, Addendum C aan die genomineerde oorhandig om te voltooi, waarna die vorm ook deur die kringbestuurder onderteken moet word.
|
| 3. |
NOMINASIE VAN HULPOPSIENERS
Die prinsipaal of sentrumbestuurder moet verklaar dat die genomineerde(s) bevoegd is vir die pligte van assistentopsiener, waarna die kringbestuurder 'n aanduiding moet gee of die aanstelling van die genomineerde(s) aanvaarbaar sal wees of nie. Addendum D moet dan voltooi en deur die assistentopsiener(s) onderteken word.
|
| 4. |
DIENSKONTRAK
Alle hoof- en assistentopsieners moet bereid wees om 'n dienskontrak met die WKOD te sluit aangaande hulle pligte en verantwoordelikhede tydens die afneem van die eksamen. Die kontrak sal geldig wees vir die eksamens tydens November/Desember 2008, Februarie/Maart 2009 sowel as vir die Mei/Junie 2009-eksamen.
|
| 5. |
VOORLEGGING VAN NOMINASIEVORMS
|
| 5.1 |
Na voltooiing moet Addendums A, B, C, D, E en F onverwyld deur die kringbestuurder aangestuur word om die Direktoraat: Eksamens nie later nie as 26 Junie 2008 te bereik en gemerk word "Vir aandag: Me E du Toit".
|
| 5.2 |
Let Wel: Om onnodige vertragings met die aanstellingsproses te verhoed, moet kringbestuurders asseblief toesien dat alle vorms saam en nie apart nie aan die Departement gestuur word.
|
| 5.3 |
Let Wel: Persone wie se aanstelling nie deur die kringbestuurder goedgekeur is nie, mag nie as opsiener optree nie. Opsieners mag onder geen omstandighede plaasvervangers vir enige gedeelte van hulle werk reël nie. Indien omstandighede verhinder dat 'n hoofopsiener of hulpopsiener toesig oor 'n eksamen kan hou, moet die prinsipaal of sentrumbestuurder, in oorleg met die kringbestuurder, reël dat 'n plaasvervanger benoem word. Die Departement moet onmiddellik dienooreenkomstig ingelig word. Plaasvervangers moet hulle bankbesonderhede voorlê op 'n vorm soos by Addendum E.
|
| 6. |
KRITERIA VIR DIE AANSTELLING VAN OPSIENERS
|
| 6.1 |
In normale omstandighede moet geen persoon vir aanstelling as hoof- of hulpopsiener aanvaar word indien hy/sy:
|
| 6.1.1 |
onder die ouderdom van 25 jaar is nie;
|
| 6.1.2 |
enige familieverwantskap het met 'n kandidaat wat die eksamen aflê nie;
|
| 6.1.3 |
'n onderwyser is by daardie skool of 'n onderwyser is wat kandidate vir die eksamen voorberei nie;
|
| 6.1.4 |
in enige hoedanigheid dien in die personeel van die skool/sentrum of 'n koshuisinrigting waarin kandidate van die betrokke skool tuisgaan nie; en
|
| 6.1.5 |
die eggenoot of eggenote of enige ander familieverwant van die hoofopsiener is nie.
|
| 6.2 |
Indien daar meer as 30 kandidate by 'n eksamensitting is, is die WKOD bereid om vir so 'n sitting een hulpopsiener vir elke bykomende 30 kandidate of gedeelte daarvan aan te stel, of een hulpopsiener vir elke lokaal waarin kandidate gehuisves word op voorwaarde dat alle lokale op volle kapasiteit benut word voor 'n ekstra lokaal bygevoeg word.
|
| 6.3 |
By sittings waar daar slegs 'n klein getal kandidate is (tot 'n minimum van twee) sal die dienste van een hulpopsiener benodig word. In hierdie geval sal die hoofopsiener nie normale opsienersdiens verrig nie, behalwe om 'n hulpopsiener af te los wat 'n kandidaat vergesel wat toegelaat is om die lokaal weens 'n dringende behoefte te verlaat.
|
| 6.4 |
Waar praktiese en teoretiese eksamens by dieselfde eksamensessie afgeneem word, moet van die dienste van 'n hulpopsiener gebruik gemaak word.
|
| 6.5 |
Indien twee of meer hulpopsieners nodig is vir sessies waar twee of meer eksamenlokale gelyktydig gebruik word, sal die hoofopsiener nie normale opsienersdiens verrig nie.
|
| 6.6 |
Hoofopsieners en hulpopsieners moet in besit wees van 'n akademiese kwalifikasie van ten minste graad 12. Indien dit nie die geval is nie, moet 'n motivering vir nominasie voorgelê word.
|
| 6.7 |
Wanneer al die kandidate vroulik is, moet die hoofopsiener en hulpopsieners vroulik wees. Waar die kandidate mans sowel as vrouens insluit en die hoofopsiener 'n man is, moet ten minste een van die hulpopsieners 'n vrou wees, of, indien die opsiener 'n vrou is, moet ten minste een van die hulpopsieners 'n man wees.
|
| 6.8 |
Hier volg 'n voorbeeld van die getal opsieners wat aangestel mag word:
| GETAL KANDIDATE | GETAL HOOFOPSIENERS | GETAL HULPOPSIENERS |
| 2 | 1 | 1 |
| 30 | 1 | 1 |
| 31 | 1 | 2 |
Die Direktoraat: Eksamens moet in kennis gestel word indien addisionele hulpopsieners gebruik word. (Sien bogenoemde tabel)
|
| 7. |
PLIGTE VAN DIE HOOFOPSIENER EN HULPOPSIENER
|
| 7.1 |
Die pligte van die hoofopsiener en hulpopsiener verskyn in Bylae A van die Dienskontrak vir hoofopsieners/hulpopsieners. Hierdie pligte moet na bevrediging uitgevoer word tydens die duur van die eksamens.
|
| 7.2 |
Hoofopsieners moet die WKOD se opleiding vir opsieners deurloop.
|
| 7.3 |
Prinsipale moet verseker dat alle hulpopsieners behoorlik opgelei is voor hulle toegelaat word om die eksamenlokaal binne te gaan. Alle hulpopsieners moet die teenwoordigheidsregister teken om te bevestig dat hulle die nodige opleiding ontvang het.
|
| 7.4 |
Opsieners moet nie kandidate sonder toesig laat tydens die duur van die eksamen nie.
|
| 7.5 |
Opsieners mag nie kandidate bystaan in enige onreëlmatige aktiwiteite tydens die loop van die eksamen nie. Die WKOD sal nie huiwer om kriminele aanklagte te lê teen enige opsiener wat skuldig bevind word dat hy/sy by 'n onreëlmatigheid betrokke was.
|
| 7.6 |
Die hoofopsiener moet die prinsipaal bystaan met die kontrolering van alle besendings vraestelle wat ontvang is. Vir hierdie taak sal hy of sy vergoeding ontvang vir slegs een addisionele sessie, ongeag die getal besendings of die afstand wat afgelê is om teenwoordig te wees by die ontvangs en kontrolering van vraestelle.
|
| 7.7 |
Die hoofopsiener moet ook die prinsipaal bystaan met die hou van 'n register wat deur die prinsipaal, vakhoof en hoofopsiener onderteken moet word wanneer die pak vraestelle uit die kluis verwyder word.
Die hoofopsieners en hulpopsieners wat aangestel is, moet hulle ID's en kontrakte byderhand hê tydens die verloop van die eksamens.
|
| 7.8 |
Voor die aanvang van die eksamen moet elke hoofopsiener verseker dat die eksamenlokaal na bevrediging ingerig is vir die afneem van die eksamen.
|
| 8. |
OPLEIDING VAN OPSIENERS
|
| 8.1 |
Die hoofopsiener moet ingelig word dat hy of sy verplig is om opleidingsessies vir opsieners by te woon.
|
| 8.2 |
Hoofopsieners wat woon binne 'n radius van 75 km van die skool of sentrum waar die opleiding sal plaasvind, sal vir een addisionele sessie vergoed word.
|
| 8.3 |
Hoofopsieners wat meer as 75 km van sulke opleidingsessies woon, sal vir twee addisionele sessies vergoed word.
|
| 8.4 |
Hulpopsieners word nie vergoed vir die bywoning van die opleidingsessies nie. |
| 9. |
VERGOEDING VAN OPSIENERS
|
| 9.1 |
Die WKOD sal opsieners aanstel en vergoed in ooreenstemming met die Personeel-administrasiemaatreëls (PAM).
|
| 9.2 |
Onafhanklike skole en kolleges is verantwoordelik vir die vergoeding van hulle eie opsieners. Alhoewel die opsieners van onafhanklike skole nie deur die WKOD besoldig word nie, moet prinsipale van onafhanklike skole, hoofde van kolleges en gevangenisse daarop let dat dit verpligtend is om die aanstellingsvorms (Addendums C en D) te voltooi en na die Departement terug te stuur.
|
| 9.3 |
Hoofopsieners van onafhanklike skole en kolleges moet hulle eisvorms vir opsienerswerk wat uitgevoer is, by die prinsipaal of sentrumbestuurder inhandig, wat dan vir hulle vergoeding sal reël. Personeel by gevangenisse wat as opsieners diens doen vir die Senior Sertifikaat-eksamen ontvang nie addisionele vergoeding nie. Indien opsieners by gevangenisse nie in diens van die gevangenisse is nie, moet die Departement skriftelik hiervan in kennis gestel word.
|
| 9.4 |
Administratiewe personeel en onderwysers wat 'n salaris ontvang van die Departement en wat ook dien as opsieners, sal nie deur die Departement vergoed word vir opsienersdienste verrig nie.
|
| 9.5 |
Die huidige tarief vir opsienerswerk is R96,30 per sessie vir 'n hoofopsiener en R64,20 per sessie vir 'n hulpopsiener (Tariewe is onderhewig aan verandering).
|
| 9.6 |
OPSIENERS SAL ONDER GEEN OMSTANDIGHEDE VIR VERVOERKOSTE VERGOED WORD NIE. (Prinsipale en sentrumbestuurders moet dus opsieners aanstel wat deel vorm van die onmiddellike gemeenskap wat deur die skool of sentrum bedien word.)
|
| 9.7 |
Let Wel: Die regulasies (IRP10) wat betrekking het op die betaling van werknemersbelasting bepaal dat alle salarisse van persone wat deeltyds in diens is, onderhewig is aan 'n belastingaftrekking van 25%. Die Departement sal gevolglik 'n belastingaftrekking van 25% toepas op alle bedrae wat aan opsieners betaal word vir dienste gelewer. Daarom geld die indiening van 'n werknemersbelastingaftrekking vir werknemers (IRP3) nie meer nie. Opsieners wat kwalifiseer vir kwytskelding of gedeeltelike kwytskelding moet, na ontvangs van 'n IRP5-sertifikaat (besonderhede van werknemersbelastingaftrekking van die Departement) dit tesame met die voorgeskrewe vorm IB 12.S by hulle plaaslike belastingkantoor indien. IRP 5-sertifikate word normaalweg gepos aan die huis- of posadres van opsieners gedurende Mei/Junie van die jaar wat volg op die jaar waarin hulle as opsieners opgetree het.
VOORBEELD:
| | Aantal
sessies | Tarief | Bruto | Belasting | Netto bedrag |
| Hoof-opsiener | 12 | R96,30 | R1155,60 | R288,90 | R866,70 |
| Hulp-opsiener | 12 | R64,20 | R770,40 | R192,60 | R577,80 |
|
| 9.8 |
Ten einde die uitbetaling van opsienerseise te bespoedig, is dit nodig dat elke hoof- en hulpopsiener sy/haar identiteitsnommer op die aannamevorm aanbring met 'n gesertifiseerde afskrif van die ID-dokument aangeheg.
|
| 9.9 |
Addendum E moet voltooi word slegs deur genomineerdes van skole wat nie met die betaling van opsieners behulpsaam kan wees nie. Die vorm moet voltooi word en as korrek gesertifiseer word en die bankrekening moet as aktief gesertifiseer word deur die betrokke bank.
|
| 9.10 |
Waar prinsipale in 2007 ooreengekom het dat opsienersgelde in die skool se bankrekening gedeponeer word, sal sodanige prosedure in 2008 gevolg word, tensy die skool die Departement van 'n alternatiewe reëling in kennis stel.
|
| 10.1 |
Die hoofopsiener, in oorleg met die prinsipaal of sentrumbestuurder moet ten minste een maand voor die aanvang van die eksamen seker maak dat voldoende geskikte akkommodasie beskikbaar is vir al die kandidate wat vir die eksamen ingeskryf het.
|
| 10.2 |
Kandidate moet geplaas word met voldoende ruimte tussen hulle om die moontlikheid van enige onreëlmatige gedrag uit te skakel. Die skoolsaal en/of soveel klaskamers as wat nodig mag wees moet sodanig benut word dat die volgende ruimtes gelaat word vir die lessenaars of tafels waarby kandidate sal sit:
- 'n Ruimte van 150 cm aan beide kante van elke lessenaar of tafel
- 'n Ruimte van 120 cm voor en agter elke lessenaar of tafel.
|
| 10.3 |
Die kringbestuurder moet die eksamensentra in sy of haar kring besoek om vas te stel of aan hierdie voorskrif voldoen is.
|
| 11. |
PLIGTE VAN DIE PRINSIPAAL OF SENTRUMBESTUURDER
|
| 11.1 |
Die verantwoordelikheid vir die behoorlike administrasie van die eksamen berus by die prinsipaal van die skool of die bestuurder van die sentrum waar die eksamen geskryf word.
|
| 11.2 |
Die prinsipaal van die skool moet seker maak dat vraestelle veilig en in die korrekte volgorde in die kluis bewaar word, dat die eksamenlokale doelmatig is en dat die hoofopsieners en hulpopsieners voldoende opgelei word.
|
| 11.3 |
Prinsipale en sentrumbestuurders word versoek om seker te maak, in oorleg met die kringbestuurder, dat bevredigende reëlings getref word dat die leerders nie gedurende eksamensessies gesteur sal word nie.
|
| 12. |
Maak asseblief seker dat 'n afskrif van hierdie eksamenminuut aan die hoofopsiener en elke hulpopsiener oorhandig word.
|
SIGNED: BK SCHREUDER
HEAD: EDUCATION
DATE: 2008:06:04
|