| 1. |
Die GTA's sal weer eens in die 4de kwartaal van die akademiese jaar afgeneem word en is die enigste formele assesseringstake wat vir daardie kwartaal gerekordeer word. Graad 9-leerders by openbare en onafhanklike skole moet die DASS en die GTA (Afdeling A en B) voltooi. Afdeling B, die pen-en-papier-toets, sal oor die verloop van twee ure in elke leerarea geskryf word.
|
| 2. |
Gedurende die voorbereiding vir die provinsiale toetsing van graad 9-leerders, is u versoek om seker te maak dat die data vir alle graad 9-leerders teen 31 Januarie 2008 op die SOBIS-databasis op datum gebring is.
|
| 3. |
In die verlede is verskeie appèlle van skole ontvang nadat hulle nie die korrekte getal toetsvraestelle ontvang het nie, omdat hulle totale op SOBIS verkeerd was. Insidente soos hierdie skep geweldige probleme, nie net vir die Departement nie, maar ook vir leerders wat reeds onder groot druk verkeer.
|
| 4. |
Aangesien die GTA's in die 3de kwartaal by skole afgelewer sal word, word prinsipale weer eens versoek om hulle graad 9-leerderdata teen nie later nie as 23 Mei 2008 op SOBIS by te werk. In hierdie verband is dit belangrik om seker te maak dat leerders korrek geregistreer is vir die verskillende taalvlakke wat hulle aanbied.
|
| 5. |
In die lig van bogenoemde sal skole wat nie hulle SOBIS-data bygewerk het nie daarvoor verantwoordelik wees om aan elke leerder die toepaslike GTA-boek(e) waarin die GTA geskryf moet word, te voorsien, aangesien die WKOD nie addisionele boeke sal voorsien nie.
|
| 6. |
Let asseblief daarop dat elke leerder op SOBIS geregistreer moet wees, met sy of haar korrekte identiteitsnommer, ten einde die Algemene Onderwys-sertifikaat in die toekoms te kan ontvang.
|
| 7. |
U samewerking sal opreg waardeer word.
|
GETEKEN: AP CLAUSEN
HOOF: ONDERWYS
DATUM: 2008:05:08
|