1. U is sekerlik bewus daarvan dat Eskom en die onderskeie munisipaliteite tans die elektrisiteitstoevoer gereeld afsny om 'n 10% kragbesparing te bewerkstellig.
2. Die afneem van eksamens in die bogenoemde vakke is gevolglik 'n bron van groot kommer, veral aangesien daar nie duidelikheid is oor die onderbrekingskedules vir Mei en Junie 2008 nie.
3. Prinsipale en sentrumbestuurders word vriendelik versoek om voor die eksamendatums vir bogenoemde vakke met hulle plaaslike munisipaliteite te skakel ten einde te reël vir vrystelling van kragonderbrekings vir hulle bepaalde gebied vir die duur van die afneem van hierdie eksamens.
4. Indien kragonderbrekings steeds voorkom tydens die afneem van 'n eksamen, moet die hoofopsiener en die skoolprinsipaal seker maak dat die kandidate in die eksamenlokaal bly totdat hulle die eksamen klaar afgelê het.
5. Die WKOD moet onmiddellik in kennis gestel word indien 'n eksamen onderbreek is.


GETEKEN: A.P. CLAUSEN
HOOF: ONDERWYS
DATUM: 2008:05:05