EXAMINATIONS ADMINISTRATION MINUTE 0012/2008 |
TO: | DISTRIKSDIREKTEURE, KRINGBESTUURDERS, KURRIKULUMADVISEURS EN HOOFDE VAN SEKONDÊRE, HOËR- EN SPESIALE SKOLE EN INRIGTINGS EN PRIVAATSKOLE WAT KANDIDATE VIR DIE NASIONALE SENIOR SERTIFIKAAT-EKSAMEN VOORBEREI |
| NASIONALE SENIOR SERTIFIKAAT-EKSAMEN NOVEMBER 2008 EN 2009: ADVERTENSIE VIR POSTE VAN HOOFNASIENERS, ADJUNKHOOFNASIENERS EN INTERNE MODERATORE OM DIE NASIENING VAN SKRIFTE BY DIE NASIENSENTRUM TE BEHARTIG |
| 1. |
Die Departement het voorheen eksaminatore en interne moderatore aangestel vir die opstel van vraestelle vir die Senior Sertifikaat-eksamen. Die eksaminatore het ook die nasien van skrifte by die nasiensentrum bestuur terwyl die interne moderatore die gehalte van die nasienwerk verseker het.
|
| 2. |
Vanaf November 2008 sal die nasionale Departement van Onderwys verantwoordelik wees vir die opstel van al die vraestelle vir die 2008 Nasionale Senior Sertifikaat-eksamens, behalwe die vraestelle vir voorgeskrewe werke, wat deur provinsiale onderwysdepartemente opgestel sal word.
|
| 3. |
Aansoeke word dus ingewag vanaf onderwysers wat graag wil dien as hoofnasieners, adjunkhoofnasieners en interne moderatore vir die nasien van skrifte vir die Nasionale Senior Sertifikaat-eksamens, November 2008 en 2009, en die aanvullende eksamens, Maart 2009 en 2010. Suksesvolle applikante sal aangestel word vir 'n periode van twee jaar en sodanige aanstelling kan hernu word, indien die posbekleër na bevrediging presteer.
|
| 4. |
Die volgende is die proses vir die aanstelling van nasieners.
|
| 4.1 |
Hoofde word versoek om onderwysers wat aan die vereistes voldoen soos uiteengesit in BYLAE A, aan te moedig om aansoek te doen vir die poste van hoof-nasiener, adjunkhoofnasiener en interne moderator.
|
| 4.2 |
Die Departement sal een moderator, een hoofnasiener en een adjunkhoofnasiener aanstel vir elke vak wat 'n groot aantal kandidate het. Vakkundigheid en ondervinding in die vorige eksamens sal die deurslaggewende faktore in die keuse van panele wees.
|
| 4.3 |
Voornemende moderatore, hoofnasieners, en adjunkhoofnasieners kan aansoek doen deur gebruik te maak van die aangehegte vorm, vir die vak(ke) wat hulle tans onderrig. 'n Lys van die vakke waarvoor aansoeke ingewag word, is aangeheg as Bylae B.
|
| 4.4 |
Alle aansoeke moet vergesel word van die volgende:
- Die aansoeker se curriculum vitae
- 'n Gewaarmerkte afskrif van die aansoeker se ID
- Gewaarmerkte afskrifte van die aansoeker se akademiese studierekord
- Gewaarmerkte afskrifte van die aansoeker se kwalifikasiesertifikate
- 'n Dekbrief waarin die aansoeker redes gee waarom hy vir die pos aansoek doen.
|
| 4.5 |
Aansoeke moet na die volgende adres gestuur word:
Die Hoof: Onderwys
Wes-Kaap Onderwysdepartement
Vir aandag: Mev. PK Markgraaff
Direktoraat: Eksamenadministrasie
Privaatsak X9114
KAAPSTAD
8000
Die aansoeke moet die Departement teen nie later nie as 25 April 2008 bereik. Indien u enige verdere navrae het, skakel asseblief vir mnr TJ Magwaca by telefoon- nommer 021 467 2626.
|
| 5. |
Die suksesvolle applikante sal skriftelik van hulle aanstelling in kennis gestel word. Verdere korrespondensie rakende die nasienproses, sal dan gestuur word aan suksesvolle applikante.
|
| 7. |
Die WKOD maak staat op u samewerking en ondersteuning in hierdie belangrike saak.
|
SIGNED: CD BIRTLES
HEAD: EDUCATION
DATE: 2008:04:16
Grand Central Towers, Lower Parliament Street, Private Bag X9114, Cape Town 8000
Please quote reference numbers in all correspondence
SAFE SCHOOLS: 0800 45 46 47
CLIENT CALL CENTRE: 0861 92 33 22
|
