| 1. |
Aansoeke word ingewag van persone wat graag wil optree as hoofnasieners, nasieners en moderators van die leerareas (lys van leerareas aangeheg) gedurende die 2008 Junie- en Oktober-eksamens vir BOOV Vlak 4. Hierdie persone moet voldoen aan die vereistes soos in paragraaf 2 hieronder genoem.
|
| 2. |
Algemene vereistes
| 2.1 |
Onderwyservaring: Gepaste onderwyservaring wat insluit ervaring van Vlak 4 in die betrokke leerarea
|
| 2.2 |
Kwalifikasies: 'n Erkende driejaaronderwyskwalifikasie
|
|
| 3. |
Aansoeke
| 3.1 |
Aansoeke moet op die aangehegte aansoekvorm ingedien word. 'n Aansoeker moet 'n afsonderlike afskrif van die vorm invul vir elke leerarea waarvoor hy of sy aansoek doen.
|
| 3.2 |
Nuwe aansoekers moet gewaarmerkte afskrifte van kwalifikasiesertifikate saam met elke voltooide aansoekvorm indien. Nasieners wat hierdie eksamens in die verlede nagesien het, hoef nie sodanige dokumente in te dien nie. Indien sodanige dokumente nie 'n aansoekvorm van 'n nuwe aansoeker vergesel nie, sal die aansoek nie oorweeg word nie. Geen uitsonderings sal gemaak word nie en geen korrespondensie sal met aansoekers in hierdie verband gevoer word nie.
|
| 3.3 |
Alle aansoekvorms moet onderteken word deur die prinsipaal of sentrumbestuurder (in die geval van opvoeders) of deur direkteure of gedelegeerde beamptes (in die geval van prinsipale, senior kurrikulumbeplanners, hoofkurrikulumbeplanners en kurrikulumadviseurs). Ongetekende vorms sal aan die aansoekers terugbesorg word.
|
| 3.4 |
Alle aansoeke moet teen 25 April 2008 by die volgende adres ingedien word. Aansoeke wat ná hierdie datum ontvang word, sal nie oorweeg word nie.
Hoof: Onderwys
Vir aandag: Me NE Kanase
Direktoraat: Eksamenadministrasie
Wes-Kaap Onderwysdepartement
Privaatsak X9114
Kaapstad
8000
|
|
| 4. |
Alle navrae, hetsy telefonies of skriftelik, kan aan een van die volgende gerig word:
Mnr M Cameron
021 467 2964
e-pos: mgcamero@pgwc.gov.za
Me NE Kanase
021 467 2009
e-pos: nkanase@pgwc.gov.za
Me M Buys
021 467 2993
e-pos: mbuys@pgwc.gov.za
Eksamens se faksnommer is: 021 461 5628
|
| 5. |
Die nasientarief vir elke vak sal so gou moontlik beskikbaar gestel word. Elke hoofnasiener, nasiener en moderator wat vir die nasien en/of moderering van skrifte verantwoordelik is, sal belas word in ooreenkoms met die Inkomste-belastingwet van 2000.
|
| 6. |
Bring asseblief die inhoud van hierdie minuut onder die aandag van al die betrokke opvoeders, met inbegrip van diegene wat met verlof is. Die Direktoraat: Eksamenadministrasie aanvaar geen verantwoordelikheid vir opvoeders wat nie ingelig is oor die inhoud van 'n omsendbrief of minuut nie.
|
GETEKEN: AP CLAUSEN
HOOF: ONDERWYS
DATUM: 2008:03:28
|