| 1. |
Die boek Datahantering in die AOO-band vergesel hierdie kurrikulumminuut (gepos).
|
| 2. |
Die boek is deur die WKOD gedruk op versoek van onderwysers wat die Wiskunde-oplossingskonferensie in 2007 bygewoon het. Die skrywers, Jackie Scheiber en Meg Dickson, het goedgunstiglik toestemming gegee dat die boek gedruk en in skole versprei mag word.
|
| 3. |
Die boek sal onderwysers, veral in die Senior Fase, help om LU 5: Datahantering te onderrig. Intermediêre Fase-onderwysers moet na die NKV-assesseringstandaarde vir hulle graad verwys, aangesien nie alles in hierdie boek van toepassing is op die Intermediêre Fase nie.
|
| 4. |
Die kurrikulumadviseurs vir Wiskunde by die onderskeie onderwysdistrikte sal werkswinkels organiseer om die inhoud van die boek te bespreek. Die volgende kurrikulumadviseurs sal die werkswinkels koördineer:
| Onderwysdistrik | Kurrikulumadviseur | Skakelbesonderhede |
| Sentraal | Alan Beukes | 021 659 4314 |
| Oos | Phillip Lyners | 021 900 7181 |
| Noord | Gladstone Foster | 021 938 3022 |
| Suid | Tyrone Humphries | 021 370 2060 |
| Kaapse Wynland | Wesley George | 023 348 4690 |
| Eden & Sentraal Karoo | Charles Snyders | 044 803 8300 |
| Overberg | Basil Sakoor | 028 514 1139 |
| Weskus | André Lamprecht | 022 913 2158 |
|
| 5. |
Die skool moet slegs die betrokke kurrikulumadviseur skakel indien die skool teen 31 Oktober 2008 nog nie kennis van so 'n werkswinkel ontvang het nie.
|
| 6. |
Daar word vertrou dat hierdie boek 'n waardevolle bron sal word vir die onderrig van datahantering in die AOO-band.
|
GETEKEN: SM NAICKER
HOOF: ONDERWYS
DATUM: 2008:08:21
|