| 1. |
Die Wes-Kaap Onderwysdepartement (WKOD) het ‘n Provinsiale Markdag vir leerders van Ekonomiese en Bestuurswetenskappe in die Senior Fase beplan, in samewerking met die Wiskundesentrum, Umsobomvu Jeugfonds, Stad Kaapstad en die Kaapstadse Streekkamer vir Handel en Nywerheid.
|
| 2. |
Alle skole word uitgenooi om hulle beste sakeplan, van vorige markdae wat by die skool georganiseer is, voor te lę aan die Kurrikulumadviseur vir Ekonomiese en Bestuurswetenskappe by hulle distrikskantoor. (Sien onderstaande lysie.)
|
| 3. |
Distrikskantore sal drie sakeplanne van elke distrik kies vir deelname aan ‘n Provinsiale Markdag, wat gehou sal word by die Parow Wandelhal (voorheen die Sanlam winkelsentrum) te Parow op 2 Augustus 2008.
|
| 4. |
Die Umsobomvu Jeugfonds het vir elke besigheid wat gekies is ‘n staanplek en ruimte in die gange van die winkelsentrum gratis beskikbaar gestel.
|
| 5. |
Toekennings sal gemaak word vir die beste sake-idees van die dag. Diegene verantwoordelik vir die drie top sake-idees sal die geleentheid gebied word om die produk of diens ten toon te stel by die Kaapstadse Internasionale Konvensiesentrum tydens die Kleinsakeweek, wat aangebied word vanaf 21 tot 23 Augustus 2008 deur die Stad Kaapstad, die Departement van Ekonomiese Ontwikkeling en Toerisme en die Departement van Vervoer en Openbare Werke.
|
| 6. |
Sakeplanne moet teen nie later nie as 20 Junie 2008 op die aangehegte profielvorm (Bylae A) voorgelę word aan die volgende kurrikulumadviseurs.
|
| 7. |
Onderwysers word aangemoedig om leerders se kreatiwiteit te stimuleer om innoverende sake-idees vir produkte en dienste voort te bring, veral met inagneming van inheemse kennis en die uitvoerende kunste. ‘n Oorbeklemtoning van lekkers en voedsel moet ontmoedig word.
|
| 8. |
Onderwysers word daaraan herinner dat hulle gebruik moet maak van die My Business-boeke om leerders met hierdie projek by te staan. Die My Business-boeke is aan skole versend in
Mei 2007. Hulle is beskikbaar op die EMS-webtuiste by:
http://curriculum.pgwc.gov.za/ site/123/page/view/.
|
| 9. |
Die WKOD hoop dat hierdie inisiatief leerders sal aanmoedig om, wanneer hulle die skool verlaat, hulle eie besighede op te rig en sodoende werkskepping in die Wes-Kaap te stimuleer.
|
| 10. |
Prinsipale word versoek om die inhoud van hierdie minuut onder die aandag te bring van al die betrokke onderwysers en om hierdie inisiatief te ondersteun.
|
| 11. |
Navrae kan gerig word aan die Senior Kurrikulumbeplanner vir Ekonomiese en Bestuurswetenskappe, mnr Jerome Gordons by tel 021 467 2566 of e-posadres jegordon@pgwc.gov.za
|
GETEKEN: SM NAICKER
HOOF: ONDERWYS
DATUM: 2008:05:20
|