| 1. |
Die Wes-Kaap Onderwysdepartement (WKOD) het die volgende dokumente van die nasionale Departement van Onderwys ontvang:
- National Policy on Assessment and Qualifications for Schools in the General Education and Training Band
- Assessment Guidelines for Foundation Phase: Grades R to 3.
|
| 2. |
Hierdie 2 dokumente is tans slegs in Engels beskikbaar. Dit sal gedurende die eerste kwartaal van 2008 deur die distrikskantore by alle skole met Grondslagfase-klasse versprei word, insluitend gemeenskapsgebaseerde VKO-lokale wat graad R-klasse het wat by die WKOD geregistreer is.
|
| 3. |
Die riglyne gee insig in hoe die assesseringsbeleid in die Grondslagfase geïmplementeer moet word, met inagneming van die konteks van die fase, die behoeftes van die leerders en die aard van die onderrig en leer gedurende hierdie baie belangrike formatiewe jare.
|
| 4. |
Voorbeelde vir deurlopende assessering word voorsien. Hulle toon hoe formele assesseringstake geïnkorporeer kan word as deel van beplande daaglikse onderrig en leer, eerder as dat dit summatiewe take word wat bykomend is tot onderrig en leer.
|
| 5. |
Skoolprinsipale word versoek om seker te maak dat alle DH's in die Grondslagfase met bogenoemde beleid en riglyne vertroud raak sodat hulle in staat is om onderwysers dwarsoor die fase te help. Klustervergaderings en/of personeelontwikkelingswerkwinkels moet gereël word om hierdie proses te fasiliteer en om idees vir implementering uit te ruil.
|
| 6. |
Verdere ondersteuning sal deur die Grondslagfase-kurrikulumadviseurs in die distrik verleen word.
|
GETEKEN: G.R. KOOPMAN
HOOF: ONDERWYS
DATUM: 2008:02:12
|