| 1. |
Die Wes-Kaap Onderwysdepartement (WKOD) het die volgende dokument van die nasionale Departement van Onderwys ontvang:
- Teaching Reading in the Early Grades: Teacher’s Handbook January 2008.
|
| 2. |
Alle skole wat die Grondslag- en Intermediêre fase aanbied, sal afskrifte van die handleiding van die distrikkantoor ontvang. Addisionele afskrifte kan by Edumedia bestel word by tel 021 689 9536 of per e-pos by edumedia@pgwc.gov.za Hierdie handleiding kan ook elektronies afgelaai word by http://curriculum.pgwc.gov.za. Hierdie dokument is slegs in Engels beskikbaar.
|
| 3. |
Die handleiding gee riglyne oor hoe basiese leesvaardighede onderrig en geassesseer kan word. Die idees en strategieë is ook van toepassing op onderwysers vir die Intermediêre Fase wie se leerders nog leer om te lees.
|
| 4. |
Dit is moontlik dat onderwysers vir die Intermediêre Fase nie bekend is met leesmetodologieë en -strategieë nie. Prinsipale word derhalwe versoek om seker te maak dat al die personeel vir die Grondslagfase en die Intermediêre Fase saam deur hierdie handleiding werk en mekaar help met interpretasie en implementering. Prinsipale word versoek om 'n personeelontwikkelingsessie vir hierdie doel te reël.
|
| 5. |
Die Direktoraat: Kurrikulum AOO sal oor die medium termyn provinsiale opleiding aan alle skole verskaf oor die onderrig van lees deur middel van 'n gebalanseerde taalbenadering. Hierdie handleiding dien ook as bykomende werkwinkelmateriaal en sal verpligte materiaal wees by leeswerkwinkels.
|
| 6. |
Gebruik asseblief hierdie handleiding vir idees tot tyd en wyl u skool uitgenooi word om werkwinkels by te woon, en skakel met die kurrikulumadviseurs vir die Grondslagfase en die Intermediêre Fase by u distrikskantoor vir adddisionele ondersteuning.
|
GETEKEN: GR KOOPMAN
HOOF: ONDERWYS
DATUM: 2008:04:14
|