| 1. |
'n Beroepsleidingsproses moet in plek wees by skole wat verband hou met die ouderdomsgroep van die leerders en wat inskakel by die beroepsleidingsprosesse wat reeds by die skole geïmplementeer word.
|
| 2. |
Een van die spesifieke fokuspunte van Lewensoriëntering, een van die agt leerareas in die Algemene Onderwys-en-opleidingsband (AOO), is oriëntering tot die wêreld van werk (AOO graad 7 - 9). Hierdie fokusarea verseker dat die leerders in staat sal wees om die kennis, vaardighede en waardes te demonstreer wat nodig is vir doeltreffende voorbereiding op en deelname in die wêreld van werk.
|
| 3. |
Alle onderwysers moet opgelei word om selfversekerd en bevoeg te wees in die beroepsleiding wat hulle vir leerders aanbied.
|
| 4. |
Skole moet ook ondersteun word met die stroming van graad 7-leerders in die betrokke fokusskole, sodat die leerdersamestelling van die fokusskool die etos van daardie spesifieke fokusskool reflekteer.
|
| 5. |
'n Opleidingskursus in PACE: Wêreld van Werk, sal aangebied word aan onderwysers van Graad 7 Lewensoriëntering wat nie voorheen opleiding in hierdie programme ontvang het nie
|
| 6. |
Een onderwyser per skool is genooi om die opleidingsessie by te woon wat op Saterdag, 15 Maart 2008 sal plaasvind by die SEI, by die Kaapse Onderwysersinstituut, Nooiensfonteinweg, Kuilsrivier.
|
| 7. |
Die kursus sal stiptelik om 08:30 in die oggend 'n aanvang neem en sal 16:00 daardie middag eindig.
|
| 8. |
Onderwysers van die plattelandse distrikte sal vergoed word vir reiskostes. Onderwysers wat beplan om vir hierdie uitgawes eise in te dien, moet die volgende inligting gereed hê by die konferensie:
- Persalnommer
- Enjinkapasiteit van die voertuig wat gebruik is en die jaar van vervaardiging
- Die kilometerafstand van die skool na die lokaal
|
| 9. |
Onderwysers van die landelike distrikte wat akkommodasie verlang moet hulle eie reëlings in hierdie verband tref. Hierdie onderwysers moet hulle eise indien op die dag van die kursus voor hulle terugkeer huis toe.
|
| 10. |
Prinsipale word versoek om die voltooide registrasievorm, Bylae A, te faks aan die Senior Kurrikulumbeplanner, mev. DJ Christiaans, by 021 467 2258, teen nie later nie as 29 Februarie 2008.
|
| 11. |
Prinsipale word daaraan herinner dat bywoning van bogenoemde kursus in berekening gebring kan word by die voltooiing van onderwysers se evaluering vir die GGBS.
|
| 12. |
Prinsipale word versoek om die inhoud van hierdie minuut onder die aandag van al die Lewensoriëtering-onderwysers te bring.
|
| 13. |
Skakel asseblief vir me D Christiaans, Senior Kurrikulumbeplanner vir Lewensoriëntering (VOO) by 021 467 2589 of by e-pos: dchristi@pgwc.gov.za vir meer inligting.
|
GETEKEN: M. CAMERON
HOOF: ONDERWYS
DATUM: 2008:02:22
|