| 1. |
Die Wes-Kaap Onderwysdepartement (WKOD) beskou dit as uiters noodsaaklik dat alle skole 'n 37-week werkskedule sal hê om doeltreffende onderrig en leer in die klaskamer vir 2008 te verseker.
|
| 2. |
'n Werkskedule is 'n plan vir 'n jaar wat ten minste 37 weke dek, wat die onderwyser lei ten opsigte van die inhoud wat in 'n bepaalde graad onderrig moet word. Die werkskedule is afgelei van die Leerprogram vir die fase en sit die inhoud, kernkennis en vaardighede uiteen wat in 'n bepaalde jaar onderrig moet word.
|
| 3. |
'n Vraelys oor werkskedules vir graad R tot 9 sal binne die volgende paar dae aan skole gestuur word om te bepaal of sodanige werkskedules in die klasse geïmplementeer is en hoe omvattend hulle gebruik word. Kurrikulumadviseurs sal dit opvolg met steekproewe.
|
| 4. |
Voorbeelde van leerprogramme is van 2004 tot 2006 aan skole gestuur as 'n riglyn om onderwysers in die Grondslagfase, Intermediêre Fase en Senior Fase met doeltreffende beplanning te help. Hierdie voorbeelde het alle toepaslike leer-uitkomste en assesseringstandaarde gedek en het elemente van 'n werkskedule ingesluit.
|
| 5. |
Prinsipale word vriendelik versoek om seker te maak dat die vraelyste deur die betrokke fasekoördineerders of departementshoofde by die skool ingevul word en teen die gestipuleerde sperdatum teruggestuur word.
|
GETEKEN: S.M. NAICKER
HOOF: ONDERWYS
DATUM: 2008:01:31
|