1. Hierdie minuut ondersteun Kurrikulumminuut 0012/2008.
2. Die Grondslag vir Leer-veldtog 2008 - 2011 is in Maart 2008 deur die nasionale Minister van Onderwys aangekondig en is op 1 November 2008 in die Wes-Kaap van stapel gestuur.
3. Die Veldtog bepaal die koers vir graad 1 tot 6 vir die volgende drie jaar en stipuleer die basiese vereistes waaraan voldoen moet word om gehalteonderrig en leer te verseker. Die Velgtog sal ten einde loop tydens 'n nasionale evaluering van graad 3 en 6 in 2011 om die uitwerking van die veldtog te bepaal op verbetering van die geletterdheids- en gesyferdheidsvlakke by alle Suid-Afrikaanse leerders.
4. Ter ondersteuning van hierdie Veldtog sal die nasionale Departement van Onderwys (DvO) gestandaardiseerde toetse vir graad 1 tot 6 uitreik, ten einde standaarde te stel, om prestasievlakke te verbeter en om skole vir die nasionale assessering in 2011 voor te berei.
5. Die DvO stuur tans die eerste jaarlikse assesserings-/toetspakke vir graad 1 tot 6 direk aan die onderwysdistrikskantore, waarvandaan dit na skole gestuur sal word. Elke skool sal een pak ontvang, wat bestaan uit een uitdruk per graad van die assessering/toets vir geletterdheid/tale en een vir gesyferdheid/wiskunde.
6. Skole word versoek om hierdie toetse af te neem aan die hand van die volgende skedule:

1 Onderwysdistrikskantore versprei assessering-/toetspakke per skool 10 - 12 November 2008
2 Skole beplan vir die afneem (kopieer en druk vir alle leerders in graad 1 tot 6) 13 - 14 November 2008
3 Skole ontvang 'n elektroniese profielvorm waarop uitslae aangebring moet word 17 November 2008
4 Skole neem die toetse/assessering af 17 - 21 November 2008
5 Skole sien die toetse/assessering na 17 - 26 November 2008
6 Moderering van nasienwerk deur die SBS 25 - 28 November 2008
7 Onderwysers rekordeer uitslae en lê dit vas 17 - 28 November 2008
8 Skole dien punte elektronies op SOBIS in 01 - 05 Desember 2008
9 Terugvoer aan skole Februarie 2009
7. 'n Dokument is deur die DvO uitgereik om die doel van hierdie assesserings uiteen te sit en om gereelde vrae te beantwoord. Hierdie dokument is elektronies op die kurrikulumwebtuiste beskikbaar. Gaan na http://curriculum.pgwc.gov.za.
8. Skakel asseblief met die onderwysdistrik se kurrikulumbestuurder vir meer inligting.
9. Die Wes-Kaap Onderwysdepartement wil skole en amptenare bedank wat positief gereageer het op die Grondslag vir Leer-veldtog en sien uit na die uitkomste wat op die implementering sal volg.


GETEKEN: SM NAICKER
HOOF: ONDERWYS
DATUM: 2008:11:06