| 1. |
Hierdie minuut ondersteun Kurrikulumminuut GET/0013/2008, wat die bekendstelling van die provinsiale Grondslae-vir-leer-veldtog 2008 - 2011 aangekondig het wat sal plaasvind op Saterdag, 1 November 2008, by die Wes-Kaap Sportskool, Nooiensfonteinweg, Kuilsrivier, Kaapstad.
|
| 2. |
Ons is trots om te kan bevestig dat ons hoofspreker Minister Naledi Pandor sal wees wat die oogmerke en vereistes van hierdie nasionale en provinsiale veldtog verder kan verduidelik.
|
| 3. |
Verskeie versoeke is reeds ontvang vanaf verafgeleë skole ten opsigte van moontlike finansiële bystand vir reiskoste en/of reiskoste en akkommodasie.
|
| 4. |
Met die oog op paragraaf 2 en 3 hierbo, en op grond van die betekenis wat die WKOD aan hierdie veldtog koppel, het ons befondsing verkry om 'n vasgestelde reis/akkommodasie-subsidie te verskaf aan elke bona fide-afgevaardigde wat deel uitmaak van 'n openbare primêre skool se afvaardiging. Die volgende voorwaardes sal egter geld:
|
| 4.1 |
Daar kan slegs volgens die volgende tabel geëis word, wat gebaseer is op die RETOER-afstand wat tussen die skool en bekendstellingsplek afgelê is.
'N RETOERREIS HOEVEELHEID PER PERSOON
200 tot 299 km R100-00 per persoon
300 tot 499 km R600-00 per persoon
500 km en bokant R800-00 per persoon
|
| 4.2 |
'n Maksimum van 3 afgevaardigdes per skool mag eis.
|
| 4.3 |
Skoolhoofde word versoek om te verifieer dat alle eisers bona fide-afgevaardigdes vir hulle skoolafvaardiging is en dat die afstand waarvoor geëis word, korrek is.
|
| 4.4 |
Bewys van registrasie en bywoning van die bekendstelling sal vereis word.
|
| 4.5 |
Betaling sal as 'n enkel bedrag vir die hele skoolafvaardiging na die skool se bankrekening oorgedra word.
|
| 4.6 |
Skole moet afgevaardigdes vergoed.
|
| 4.7 |
Eise moet vooruit voltooi word op die aangehegte vorm (Bylae A). Hierdie vorm moet na die bekendstelling toe saamgebring word en ingehandig word vir verifikasie aan toegewysde beamptes by die tafel gemerk "Subsidie-eise". Voorgelegde eisvorms sal amptelik gestempel word by die plek van bekendstelling. Vorms wat laat, foutief of onvoltooid is, sal NIE oorweeg word nie.
|
| 5. |
In die lig van die bogenoemde toegewing, is die registrasieperiode vir die bekendstelling verleng tot 12:00 op 31 Oktober 2008.
|
| 6. |
Hierdie bekendstelling bied 'n unieke geleentheid aan skoolleiers en beamptes van die WKOD om as 'n kollektiewe liggaam te vergader met ons nasionale en provinsiale Ministers van Onderwys, plus ander belangrike onderwysbelanghebbendes. Dit is 'n betekenisvolle, simboliese veldtog wat ons bronne oor die provinsie heen sal mobiliseer.
|
| 7. |
Die Wes-Kaap Onderwysdepartement wil skole en beamptes wat positief op die uitnodiging gereageer het graag bedank. Ons sien uit na u teenwoordigheid by die verrigtinge.
|
GETEKEN: P SATYO
HOOF: ONDERWYS
DATUM: 2008:10:28
|