1. Indien Suid-Afrika op wêreldvlak wil meeding, het ons die vereiste vaardighede nodig. Ons moet dus die pas versnel ten opsigte van die ontwikkeling van geletterdheid- en gesyferdheidsvaardighede in die primêre skool. Sodoende sal ons ons deurvoerkoers vergroot en ons slaagsyfer vir graad 12 verbeter. Om hierdie redes sal die Wes-Kaap Onderwysdepartement (WKOD) op Saterdag, 1 November 2008, die provinsiale Grondslag vir Leer-veldtog - 2008-2011 amptelik bekendstel, in ooreenstemming met die Grondslag vir Leer-veldtog wat vroeër vanjaar deur Minister Pandor aangekondig is.
2. Die tema vir die bekendstelling sal wees: 'Die daarstel van 'n stewige grondslag vir leer' en by hierdie geleentheid sal die geleentheidsboodskappe en vereistes van hierdie veldtog beklemtoon word, byvoorbeeld:
  • Verwagtinge vir onderrig, leer en assessering
  • Rolle en verantwoordelikhede van onderwysdistrikte, skoolbestuurspanne (SBS'e), onderwysers en ouers
3. In 'n voluit poging om die huidige uitdagings aangaande slaagkoerse vir geletterdheid en gesyferdheid die hoof te bied, en om ons oogmerke bekend te stel en alle betrokkenes te mobiliseer, word alle primêre skole uitgenooi om elk 'n afvaardiging van drie verteenwoordigers na die bekendstelling te stuur en wel soos volg:
  • Die skoolhoof of adjunkhoof
  • 'n Onderwyser (graad 1 tot 6)
  • 'n Lid van die skoolbeheerliggaam
4. Prinsipale word versoek om hierdie minuut onder die aandag te bring van hulle personeel en SBL en om so spoedig moontlik te besluit wie hulle skoolgemeenskap sal verteenwoordig.
5. Om te registreer vir deelname aan die bekendstelling, moet die aangehegte antwoordstrokie voltooi word en teruggestuur word nie later nie as 22 Oktober 2008. Let asseblief daarop dat alleenlik geregistreerde afgevaardigdes geakkommodeer sal word.
6. Die WKOD wil graag alle skole by voorbaat bedank vir hulle gewilligheid om ondersteuning te bied aan en solidariteit te toon met hierdie bekendstelling, wat daarop gemik is om die gehalte van onderrig en leer ten goede om te keer, en om vlakke van geletterdheid en gesyferdheid aansienlik te verhoog tot alle leerders se voordeel.


GETEKEN: SM NAICKER
HOOF: ONDERWYS
DATUM: 2008:10:15

Uitnodiging: Grondslag vir Leer-veldtog  (grootte: 305 KB)
Antwoordstrokie: "Reply slip for registration"  (grootte: 84 KB)