| 1. |
Die nasionale Departement van Onderwys het 'n Loopbaandragdag ingestel wat jaarliks op 8 Oktober gehou sal word. Hierdie jaar sal die fokus op graad 7-leerders val.
|
| 2. |
Hierdie dag is daarop gemik om graad 7-leerders bewus te maak van die belangrikheid van die loopbane wat hulle moontlik in die toekoms sal beoefen en om hulle te laat besin oor watter vakke hulle op hoërskool vir hulle toekomstige loopbane moet kies.
|
| 3. |
Skole word versoek om graad 7-leerders toe te laat om so aan te trek dat hulle hulle toekomstige loopbane uitbeeld en om aktiwiteite te reël wat leerders in staat sal stel om hulle toekomstige loopbane op daardie dag in verskillende leerarealesse met ander te bespreek. Leerders moet kreatief wees en hulle toekomstige loopbane eenvoudig maar doeltreffend uitbeeld. Sien die aanhangsel vir idees.
|
| 4. |
Die nasionale Departement van Onderwys het in samewerking met die Pace-loopbaansentrum ook 'n opstelkompetisie vir graad 7-leerders uitgeloof. Skole word aangemoedig om hulle beste opstelle in te stuur en wonderlike pryse te wen. Skakel met die Pace-loopbaansentrum by info@pacecareers.com vir meer inligting oor die opstelkompetisie.
|
| 5. |
Die Wes-Kaap Onderwysdepartement moedig alle skole aan om aan hierdie nasionale inisiatief deel te neem.
|
| 6. |
Plakkate oor Loopbaandragdag sal van 20 September 2008 aan alle skole met graad 7-leerders uitgedeel word. Skakel asseblief met u onderwysdistrikskantoor vir meer inligting.
|
| 7. |
Prinsipale word versoek om hierdie minuut onder die aandag van die Lewensoriëntering-onderwysers vir graad 7 te bring.
|
GETEKEN: SM NAICKER
HOOF: ONDERWYS
DATUM: 2008:09:10
|