1. Die WKOD se Geletterdheid en Syferkundigheidstrategie is 'n reaksie op die lae vlakke, oor die algemeen, van geletterdheid en gesyferdheid wat geïdentifiseer is. Ingevolge hierdie strategie het die WKOD 'n aantal intervensieaktiwiteite onderneem wat insluit die assessering van graad 3-leerders elke alternatiewe jaar om die vlakke van geletterdheid en gesyferdheid in die provinsie, in 'n onderwysdistrik en in die meeste primêre skole vas te stel. Die ontleding van die prestasie van leerders in 'n skool is bedoel om aan onderwysers en onderwys-ondersteuningspersoneel insig te gee in hoe die leerders van elke skool hulle geletterdheids- en gesyferdheidsvaardighede uitbou en om aan hulle die gepaste ondersteuning te bied.
2. Drie graad 3-toetse is tot dusver in 2002, 2004 en 2006 afgeneem. Die databasis van graad 3-vrae is nou deur middel van twee itembanke uitgebrei, om sodoende addisionele items van presies dieselfde standaard te verskaf. Die WKOD is dus in staat om 'n aantal van die items vry te stel (aangeheg), wat sal dien om aan onderwysers 'n idee te gee van die tipe, inhoud en formaat van die vrae wat in die provinsiale assesseringstoetse ingesluit is. In die gesyferdheidsvoorbeelde is gelyksoortige items gekies wat wissel van graad 1 tot graad 4. In die Geletterdheidsvoorbeelde, is die verskillende take gemik op verskillende grade, om sodoende vordering te toon.
3. Die items is NIE beskikbaar gestel met die bedoeling dat onderwysers met die oog op die toets die items deur middel van gedekontekstualiseerde oefeninge moet indril nie. Die doel is eerder om aan onderwysers te wys dat die toetse wel die leeruitkomste van die Nasionale Kurrikulumverklaring assesseer, en dat hulle, deur deeglik vertroud te raak met die kennis, waardes en houdings regoor die kurrikulum, binne 'n betekenisgesentreerde konteks, hulle leerders voldoende vir die volgende rondte toetse sal kan voorberei.
4. Inrigtings en organisasies buite die WKOD mag die materiaal gebruik op voorwaarde dat dit nie met 'n winsoogmerk gedoen word nie en die bron duidelik erken word.
5. Terugvoer van enige gebruiker sal verwelkom word en kan gerig word aan die Kurrikulumbestuurder by die onderwysdistrikskantoor of aan die Direkteur: Kurrikulum AOO.
6. Die WKOD wil graag sy dank uitspreek teenoor die skole en onderwysers wat hierdie bronmateriaal gaan gebruik om krities met die kurrikulum om te gaan en om kurrikulumontwikkeling te doen. Skakel asseblief u Grondslagfase Kurrikulumadviseur vir verdere hulp en leiding.


GETEKEN: SM NAICKER
HOOF: ONDERWYS
DATUM: 2008:09:18

Syfervaardigheid  (grootte: 30 KB)
Geletterdheid  (grootte: 140 KB)