| 1. |
Die Wes-Kaap Onderwysdepartement (WKOD) het 'n gids saamgestel om graad 9-leerders te help met die maak van vakkeuses vir graad 10.
|
| 2. |
Die gids sal graad 9-leerders van inligting voorsien aangaande verskillende beroepe en wil graag jongmense ondersteun in hulle besluite rakende geleenthede om verder as graad 12 te studeer.
|
| 3. |
Die inligting in die boekie hou verband met die vereistes vir Oriëntering tot die Wêreld van Werk, Leeruitkoms 5 in die NKV Lewensoriëntering in die AOO-band en Leeruitkoms 4, Beroepe en Beroepskeuses, in die vak Lewensoriëntering in die VOO-band.
|
| 4. |
Elke hoërskool sal 150 kopieë van die boekie ontvang vir verspreiding onder graad 9-leerders.
|
| 5. |
Die boekie sal aan distrikskantore afgelewer word vanaf 1 Maart 2008 en moet by die Lewensoriëntering Kurrikulum Adviseur afgehaal word.
|
| 6. |
Prinsipale word versoek om die inhoud van hierdie brief onder die aandag van Lewensoriëntering-onderwysers te bring.
|
GETEKEN: P. SATYO
HOOF: ONDERWYS
DATUM: 2008:02:22
|