1. Die Hoofdirektoraat: Kurrikulumontwikkelingsminuut 0011/2008 wat verband hou met PGOOO in Nasionale Kwintiel 1-, 2- en 3-skole het aangekondig dat die voorsiening van hulpbronne aan hierdie primêre en sekondêre skole op die verbetering van die gehalte van onderwys sal fokus, ten einde gelyke geleenthede binne die Wes-Kaap deur middel van 'n regstellingsprogram te skep.
2. Ten einde onderrig en leer in Fisiese Wetenskappe te ondersteun, het die Wes-Kaap Onderwysdepartement bogenoemde projek geïmplementeer, wat op die volgende aspekte sal fokus:
2.1 PGOOO-sekondêre skole sal van basiese apparaat, toerusting en chemikalieë voorsien word om leerders die geleentheid te bied om praktiese ondersoeke te onderneem en om hulle in staat te stel om hulle eie ondersoeke te ontwerp en uit te voer.
2.2 Onderwysers van Fisiese Wetenskappe by hierdie skole sal 'n verpligte opleidingsessie moet bywoon waar hulle gewys sal word hoe om die apparaat, toerusting en chemikalieë te gebruik, te berg en in stand te hou. Die opleiding sal die volgende insluit: identifikasie en gebruik van die voorraad wat voorsien word, die beveiliging daarvan en berging in ooreenstemming met die WKOD se Beleid en Protokol vir Veiligheid in skoolwetenskap, en die rekordering daarvan in die Fisiese Wetenskappe-inventaris. Die verpligte opleiding word beplan vir die eerste kwartaal van 2009 en besonderhede sal binnekort in hierdie verband uitgestuur word.
2.3 Die gedesentraliseerde opleidingsessies sal soos volg gereël word:

ONDERWYSDISTRIKDATUM
Eden & Sentrale Karoo (George)24 Januarie 2009
Kaapse Wynland, Weskus en Overberg (Worcester)31 Januarie 2009
Metro-Suid en Metro-Sentraal (Kuilsrivier)14 Februarie 2009
Metro South and Metro Central (Kuils River)14 February 2009

Verdere besonderhede oor lokale en tye sal binnekort uitgestuur word.
3. Die prinsipaal en die veiligheidsbeampte vir skoolwetenskap is verantwoordelik vir die beveiliging, berging, instandhouding, monitering en rekordering van die wetenskapvoorraad wat voorsien word. Die wetenskaptoerusting en chemikalieë sal aan die bepaalde skole gelewer word gedurende die vierde kwartaal, van die einde van Oktober tot aan die einde van November 2008.
4. Die prinsipaal en die skoolwetenskap-veiligheidsbeampte moet seker maak dat hulle skool al die items ontvang wat op die faktuur aangedui word en dat hierdie items geen defekte het nie. Dit moet gedoen word onmiddellik nadat die wetenskapvoorraad by die skool afgelewer word. Enige defekte of tekorte moet onmiddellik by die diensverskaffer en Don Francis aangemeld word. Die items moet dat op die Fisiese Wetenskappe-inventaris aangedui word. Die getekende fakture moet geliasseer word en in die skool se bateregister aangeteken word.
4.1 Don Francis en die kurrikulumadviseurs in elke onderwysdistrik sal die afleweringsproses monitor.
4.2 Bylae A is 'n kontrolelys wat ingevul moet word deur die skoolwetenskap-veiligheidsbeampte en dan vir die aandag: Don Francis aan faksnommer 021 467 2258 gefaks moet word.
5. In skole waar daar nie 'n skoolwetenskap-veiligheidsbeampte aangestel is nie, moet die DH van Fisiese Wetenskappe waarneem as skoolwetenskap-veiligheidsbeampte vir die duur van hierdie projek.
6. Prinsipale moet seker maak dat die skoolwetenskap-veiligheidsbeampte en die Fisiese Wetenskappe-onderwysers 'n afskrif van hierdie minuut kry.


GETEKEN: SM NAICKER
HOOF: ONDERWYS
DATUM: 2008:11:14

Bylae A: Kontrolelys  (grootte: 40 KB)