1. Die Wes-Kaap Onderwysdepartement (WKOD) ontwikkel 'n aanlyn-inventaris vir Fisiese Wetenskappe waaruit data verkry kan word vir die doelwitte vir skole wat Fisiese Wetenskappe aanbied. Vir hierdie doel moet alle WKOD-skole wat Fisiese Wetenskappe aanbied, 'n inventaris hou van hulle voorraad en dit gereeld aanlyn bywerk.
2. In Kurrikulumontwikkelingsminuut 0078/2007 het die WKOD versoek dat skole 'n verklaring doen oor die funksionaliteit van hulle wetenskaplaboratoriums deur 'n vraelys te voltooi en 'n inventaris vir Fisiese Wetenskappe op te stel. Die sluitingsdatum vir aansoeke was 1 April 2007.
3. Die WKOD wil graag sy waardering uitspreek teenoor daardie skole wat wel teen die sluitingsdatum gereageer het.
4. Sommige van die response kon ongelukkig nie aanvaar word nie, om die volgende redes:
4.1 slegs die voltooide vraelys is voorgelê.
4.2 slegs 'n voltooide Natuur-en Skeikunde-inventaris is voorgelê.
4.3 voorraad op hande is slegs deur 'n regmerkie (v) of strepie (-) aangedui.
5. 'n Voorbeeld wat aantoon hoe die vraestel en inventaris voltooi moet word, kan besigtig word by: http://curriculum.pgwc.gov.za/site/52/page/view. 'n Elektroniese kopie van Kurrikulumontwikkelingminuut 0078/2007 kan ook van hierdie webbladsy verkry word saam met 'n lys van skole wie se vraelyste en inventarisse aanvaar is. Skole wie se voltooide vraelyste en/of inventarisse nie aanvaar is nie, word versoek om die foute reg te stel en dit weer voor te lê.
6. Alle skole wat nog nie gereageer het nie, word dringend versoek om harde kopieë van hulle voltooide vraelyste en inventarisse aan die WKOD voor te lê voor 25 Februarie 2008. Die voltooide vraelyste en inventarisse moet gestuur word aan: 
Die Hoof: Onderwys
Vir Aandag: Mnr Don Francis
Wes-Kaap Onderwysdepartement
Kamer 831
Grand Central Towers
Privaatsak X9114
Kaapstad 
8000
7. Dit word weereens beklemtoon dat die WKOD alleenlik harde kopieë van elke skool se voltooide vraelyste en Fisiese Wetenskappe-inventaris aanvaar. Hierdie dokumente moet akkuraat voltooi wees.
8. Die WKOD wil sy waardering uitspreek teenoor die skole wat gereageer het en vra verskoning vir enige dubbelsinnigheid wat kon bestaan het aangaande wat gedoen moes word.


GETEKEN: P. SATYO
HOOF: ONDERWYS
DATUM: 2008:02:13