1. Ten einde die standaard van onderrig en leer in Lewenswetenskappe te verbeter, het die Wes-Kaap Onderwysdepartement bostaande projek geïmplementeer, wat die volgende inhou:
1.1 Die voorsiening van basiese apparaat, toerusting en chemikalieë aan bepaalde skole sodat leerders die geleentheid kry om praktiese ondersoeke uit te voer en ook in staat sal wees om hul eie ondersoeke te kan ontwerp en uit te voer.
1.2 Die onderwysers in die bepaalde skole betrokke by die vak sal vroeg volgende jaar verpligte opleiding ontvang om die apparaat, toerusting en chemikalieë te benut, te bewaar en in stand te hou. Die opleiding sal onder andere die organisering van die apparaat, laboratoriumsorganisasie, rekordhouding en monitering sowel as instandhouding en veilige bewaring van die apparaat, toerusting en chemikalieë behels. Besonderhede aangaande die verpligte kursusse sal in die vierde kwartaal beskikbaar gestel word.

Die gedesentraliseerde opleidingsessies vir die betrokke onderwysers sal soos volg plaasvind:

ONDERWYSDISTRIK DATUM
Metro-Oos en Metro-Noord24 Januarie 2009
Kaapse Wynland en Weskus (Worcester)31 Januarie 2009
Metro-Suid en Metro-Sentraal07 Februarie 2009
Eden & Sentrale Karoo en Overberg (Oudtshoorn)14 Februarie 2009

1.3 Die prinsipaal van die skool sal vir die veilige bewaring, instandhouding en monitering van die apparaat verantwoordelik gehou word. Die apparaat, toerusting en chemikalieë sal gedurende die vierde kwartaal, vanaf Oktober tot die einde van die November 2008 by die spesifieke skole afgelewer word.
1.4 Die skoolhoof en departementshoof/vakhoof sal die items moet kontroleer en vir die ontvangs daarvan teken. Daarna sal die items op 'n inventaris aangeteken moet word en veilig bewaar word. Die kurrikulumadviseurs in elke onderwysdistrik sal ook waar moontlik die afleweringsproses monitor.

2. Onderwysers word aangemoedig om hierdie apparaat, toerusting en chemikalieë maksimaal te benut. Dit is 'n opwindende geleentheid om die vak lewendig en outentiek aan te bied sodat die leerders se vakkennis en vaardighede optimaal sal ontwikkel.
3. Prinsipale moet seker maak dat alle Lewenswetenskappe-onderwysers 'n afskrif van hierdie minuut kry.

GETEKEN: SM NAICKER
HOOF: ONDERWYS
DATUM: 2008:10:03

"Specifications of Equipment / Apparatus / Chemicals"  (grootte: 38 KB)
Lys van bepaalde skole  (grootte: 19 KB)