1. Kurrikulum VOO-minuut DCF 0018/2008 van 4 Junie 2008 het skole van die nuutste katalogus van nasionaal goedgekeurde handboeke vir graad 10 -12 in 2009 voorsien.
2. Soos uiteengesit in Kurrikulum VOO-minuut DCF 0026/2008, is alle graad 10-handboeke in die bogenoemde katalogus hersien en in ooreenstemming gebring met die jongste Vakassesseringsriglyne (VAR's) en Leerprogramriglyne (LPR'e).
3. In die lig van hierdie veranderinge aan die graad 10-kurrikulum het die nasionale Departement van Onderwys aanbeveel dat skole graad 10-handboeke vir 2009 uit die nuwe katalogus moet bestel. In Kurrikulum VOO-minuut DCF 0026/2008 is skole opdrag gegee om rekwisisies vir twee handboeke vir elk van hulle graad 10-leerders te plaas. Een van die twee moes vir Lewenswetenskappe wees.
4. Benewens die twee handboeke wat hierbo genoem is, het die Wes-Kaap Onderwysdepartement (WKOD) onderneem om nog 5 handboeke per graad 10-leerder te voorsien, sodat elke leerder 'n handboek uit die katalogus vir elk van hulle ander vakke het. Die katalogus van goedgekeurde handboeke vir alle graad 10- tot 12-vakke in 2009 word weer hierby aangeheg vir u verwysing.
5. Skole moet hulle bestelling aanpas by hulle huidige graad 10-inskrywing en vakverdeling. Vir elke 35 handboeke wat bestel word, moet daar 'n onderwysersgids bestel word.
6. Rekwisisievorms moet deur die prinsipaal en die voorsitter van die boekesubkomitee onderteken word en die skool se stempel moet daarop aangebring word. Rekwisisievorms moet teen nie later nie as Donderdag, 25 September 2008 per hand of per pos by die adres hieronder ingedien word: 
Vir aandag: Me J Maliqua / Me S Solomons
Tel 021 900 5011
Spesiale Projek: Handboeke vir graad 10 (5 addisionele handboeke)
Kaapse Onderrig-en-leierskapsinstituut (KOLI)		
Nooiensfonteinweg/Privaatsak X14
Kuilsrivier	
7580
7. Prinsipale word versoek om seker te maak dat die inligting in hierdie minuut onder die betrokke vakhoofde se aandag gebring word.


GETEKEN: SM NAICKER
HOOF: ONDERWYS
DATUM: 2008:09:18

Graad 10 katalogus  (grootte: 129 KB)
Graad 11 katalogus  (grootte: 333 KB)
Graad 12 katalogus  (grootte: 330 KB)
Rekwisisie  (grootte: 18 KB)