1. Omsendbrief 0011/2008 het betrekking tot die Praktiese Assesseringstake (PAT'e) vir die 2008 Nasionale Senior Sertifikaat-eksamen (graad 12).
2. Paragraaf 3.3 van die bogemelde omsendbrief bepaal dat die PAT vir Rekenaartoepassingstegnologie en Inligtingstegnologie 25% van die totale bevorderings-/sertifiseringspunt vir die onderskeie vakke uitmaak.
3. Die Vakassesseringsriglyne vir albei vakke noem dat die PAT deel van die eksterne assessering uitmaak en op 'n deurlopende basis aangebied moet word, volgens bepaalde keerdatums vir die voltooiing van elke stadium van die PAT.
4. Volgens paragraaf 4(8) van Hoofstuk 3 van die National Policy on the Conduct, Administration and Management of the National Senior Certificate: soos gepubliseer in die Staatskoerant, Vol. 505 (No 30048 van 6 Julie, 2007) sal die afwesigheid van 'n interne assesseringpunt tot gevolg hê dat 'n kandidaat wat vir daardie bepaalde vak geregistreer is, 'n "onvolledige" uitslag sal kry. Dit is ook waar van die afwesigheid van 'n assesseringspunt vir die PAT vir RTT en IT.
5. Skole/Onderwysers wat Rekenaartoepassingstegnologie en/of Inligtingstegnologie as deel van hulle Nasionale Senior Sertifikaat in 2008 aanbied, moet hulle opsommingsrekordblaaie vir die PAT en skoolgebaseerde assesseringstake (SGA) (graad 12) voor of op 17 Oktober 2008 na hulle onderskeie kurrikulumondersteuningsbeamptes bring, soos aangedui in die onderstaande tabel. Keerdatums vir leerders om hulle finale fases van die PAT voor te lê moet vooraf bepaal word sodat die onderwysers die betrokke PAT-fases kan assesseer. (LW: Moderering sal gedoen word ooreenkomstig die afbakening van die vorige OBOS'e.

KurrikulumbeampteOnderwerpOnderwysdistrikteEposadresFaksnommer
Ighsaan FrancisITAlle onderwysdistrikteifrancis@pgwc.gov.za086 691 6176
Ighsaan FrancisRTTEden & Sentrale Karooifrancis@pgwc.gov.za086 691 6176
Patrick FransRTTMetropoles North and Centralpfrans@pgwc.gov.za021 938 3183
Chantal LewisRTTWeskus, Metro-Oos en -Suidchlewis@pgwc.gov.za021 903 2149
Yaroslav KudiyarovRTTKaapse Wynland en Overbergykudyaro@pgwc.gov.za023 342 4140
6. Hoofde van alle inrigtings wat kandidate voorberei wat RTT en/of IT aanbied vir die Nasionale Senior Sertifikaat-eksamens in 2008 word hiermee versoek om die keerdatums vir voorlegging van kandidate se PAT'e en SGA-take, soos deur die skool voorgeskryf, op skrif aan die genoemde kandidate en hulle ouers te stuur. Sodanige kommunikasie met ouers moet 'n afdeling insluit (antwoordstrokie of iets soortgelyks), waarop ouers ontvangs moet erken.
7. Die bogenoemde ontvangserkennings moet geliasseer word as bewys van kennisname van die inhoud van hierdie minuut.
8. Neem asseblief vrymoedigheid om mnr I Francis by 021 467 2549 of per e-posadres te kontak by ifrancis@pgwc.gov.za vir verdere duidelikheid, indien nodig.


GETEKEN: SM NAICKER
HOOF: ONDERWYS
DATUM: 2008:09:12