| 1. |
Die Wes-Kaap Onderwysdepartement sal opleiding voorsien aan ongeveer 50 departementshoofde en vakhoofde van hoërskole sodat hulle hulle bestuurs- en leierskapsvaardighede kan verbeter.
|
| 2. |
Die 5-dagkursus sal twee keer by die Kaapse Onderrig-en-leierskapsinsituut in Kuilsrivier aangebied word.
|
| 3. |
Die eerste kursus sal gedurende die September-skoolvakansie, vanaf Maandag, 29 September 2008 tot Vrydag 3 Oktober 2008 aangebied word.
|
| 4. |
Die tweede kursus sal plaasvind van Maandag, 5 Januarie 2009 tot Vrydag, 9 Januarie 2009.
|
| 5. |
Elke kursus kan slegs 50 deelnemers akkommodeer en voorkeur sal verleen word aan skole wat ten minste 4-5 persone vir die kursus registreer.
|
| 6. |
Addisionele kursusse word vir later in 2009 beplan.
|
| 7. |
Die kursus het ten doel om deelnemers aan te moedig om
- 'n begrip te vorm vir die rol van die vakhoof;
- die implikasies van die veranderende omgewing waarin hulle moet werk, in aanmerking te neem;
- hulle spanwerkvaardighede te ontwikkel en te besin oor hulle eie verkose leierskapstyl;
- hulle vermoë te verbeter om as beplanners en bestuurders op te tree;
- oor hulle rol as beoordelaars, ontwikkelaars, administrateurs, motiveerders, kurrikulumbestuurders, ens. te besin;
- hulle begrip te verbreed deur inligting, idees en ervaring met kollegas te deel; en
- te besin oor persoonlike en professionele ontwikkelingsplanne en dit te ontwikkel.
|
| 8. |
'n Aansoekvorm word aangeheg as Bylae A.
|
| 9. |
Aansoeke moet teen 30 Augustus 2008 aan die Direkteur: Kurrikulum VOO gestuur word by faksnommer 021 467 2620.
|
| 10. |
Bring asseblief die inhoud van hierdie minuut onder die aandag van alle betrokke onderwysers.
|
GETEKEN: SM NAICKER
HOOF: ONDERWYS
DATUM: 2008:08:13
|