1. Kurriulum VOO-minuut DCF/0007/2008 en DCF/0018/2008 het skole van die nuutste katalogus van nasionaal goedgekeurde handboeke vir graad 10 in 2009 voorsien.
2. Alle graad 10-handboeke in die bogenoemde katalogus is hersien en in ooreenstemming gebring met die jongste Vakassesseringsriglyne (VAR's) en Leerprogramriglyne (LPR'e).
3. Die Nasionale Departement van Onderwys het 'n nuwe inhoudraamwerk vir Lewenswetenskappe voorsien wat in 2009 in graad 10 geïmplementeer moet word (verwys na Omsendbrief 0005/2008).
4. In die lig van hierdie veranderinge aan die graad 10-kurrikulum het die nasionale Departement van Onderwys aanbeveel dat skole graad 10-handboeke vir 2009 uit die nuwe katalogus moet bestel.
5. Die Wes-Kaap Onderwysdepartement (WKOD) onderneem om een handboek per graad 10-leerder vir elk van die volgende te voorsien:
5.1 Lewenswetenskappe en
5.2 een van die volgende vakke: Lewensoriëntering of Wiskunde of Wiskundige Geletterdheid of Fisiese Wetenskappe
6. Prinsipale sal van hulle skole se begrotingstoekenning en die rekwisisieproses vir hierdie projek in kennis gestel word in 'n brief met die opskrif: TOEKENNING OM DIE AANKOPE VAN HANDBOEKE VIR GRAAD 10 TE ONDERSTEUN. Hierdie brief sal elektronies en per pos uitgestuur word.
7. Rekwisisievorms moet deur die prinsipaal en die voorsitter van die boekesubkomitee onderteken word en met die skool se stempel gestempel word. Rekwisisievorms moet teen Vrydag, 8 Augustus 2008 per hand of per pos by die adres hieronder ingedien word: 
Vir aandag: Mnr O de Young	(Tel. 021 900 5011)
Graad 10 Spesiale Projek
Kaapse Onderwys- en Leierskapinstituut (KOLI)		
Nooiensfonteinweg/Privaatsak X14
Kuilsrivier
7579
8. Prinsipale word versoek om seker te maak dat die inligting in hierdie minuut onder die betrokke vakhoofde se aandag gebring word.


GETEKEN: SM NAICKER
HOOF: ONDERWYS
DATUM: 2008:07:18

Bylae A: Nuwe katalogus  (grootte: 40 KB)
Bylae B: Rekwisisie vir Graad 10 handboeke projek  (grootte: 17 KB)