| 1. |
Die Globale Burgerskap-projek (GBP) rus leerders toe met vaardighede wat nodig is vir oorlewing in 'n globale gemeenskap in die 21ste eeu.
|
| 2. |
Die projek rus onderwysers toe met vaardighede in persoonlike ontwikkeling en IKT om te verseker dat hulle in staat sal wees om leerders doeltreffend met die program te begelei.
|
| 3. |
Alle Lewensoriëntering-onderwysers behoort opgelei te word om IKT-vaardighede in Lewensoriëntering-lesse met vrymoedigheid, selfvertroue en bevoegdheid te kan gebruik.
|
| 4. |
'n Opleidingskursus in die GBP sal aangebied word aan graad 10- Lewensoriënteringonderwysers.
|
| 5. |
EEN graad 10-onderwyser per skool word genooi om die opleidingsessie, wat op Saterdag 26 Julie 2008 sal plaasvind, by te woon. Sessies duur van 8:30 tot 16:00 en word by die volgende vergaderplekke aangebied:
| PLEK | DISTRIKTE WAT MOET BYWOON |
| Bellville-Suid SSS, Bellville-Suid | Metro Oos, Noord, Suid en Sentraal |
| Weston SSS, Vredenburg | Weskus |
| Bridgton SSS, Oudtshoorn | Eden & Sentraal Karoo |
| Esselenpark SSS, Worcester | Kaapse Wynland en Overberg |
|
| 6. |
Onderwysers wat verder as 20 kilometers van die opleidingsplek af bly, sal vir reisonkoste vergoed word. Onderwysers wat beplan om vir hierdie uitgawes te eis, moet die volgende inligting beskikbaar hê:
- PERSAL-nommer
- Silinderinhoud van die voertuig wat gebruik is en jaar van vervaardiging.
- Die kilometerafstand van die skool na die vergaderplek.
|
| 7. |
Onderwysers van die landelike distrikte wat akkommodasie verlang moet hulle eie reëlings tref. Hierdie opvoeders moet hulle eise voorlê voor hulle vertrek op die dag van die kursus.
|
| 8. |
Prinsipale word versoek om die voltooide registrasievorm, Bylae A, te faks na die Lewensoriëntering Senior Kurrikulumbeplanner, mev. DJ Christiaans, by 021 467 2258, teen nie later nie as 18 Julie 2008.
|
| 9. |
Prinsipale word daaraan herinner dat bywoning van die bogenoemde kursusse in ag geneem kan word by die voltooiing van onderwysers se GGBS'e.
|
| 10. |
Prinsipale word versoek om die inhoud van hierdie minuut onder die aandag van Lewensoriënteringonderwysers te bring.
|
| 11. |
Skakel asseblief mev. D Christiaans, Senior Kurrikulumbeplanner vir Lewensoriëntering (VOO) by 021 467 2589 of e-pos na: dchristi@pgwc.gov.za indien u meer inligting verlang.
|
GETEKEN: GR KOOPMAN
HOOF: ONDERWYS
DATUM: 2008:07:02
|