1. Die Wes-Kaap Onderwysdepartement (WKOD) is besig om opleiding vir Lewensoriëntering-onderwysers te reël oor hoe om doeltreffende loopbaanvoorligting te gee.
2. Alle Lewensoriëntering-onderwysers moet selfverseker en bevoeg wees om loopbaanvoorligting aan leerders te bied.
3. 'n Opleidingskursus sal in die PACE Wêreld van Werk-program aangebied word vir onderwysers van Lewensoriëntering in graad 7, 8 en 9 wat nie vantevore opleiding in hierdie program gehad het nie. Opleidingskursusse vir graad 7-onderwysers sal plaasvind op 6 September 2008, vir graad 8-onderwysers op 13 September 2008 en vir graad 9-onderwysers op 20 September 2008.
4. 'n Opleidingskursus in die PACE Adviseer en Verwys-program sal aangebied word vir onderwysers van Lewensoriëntering in graad 10 tot 12 wat nie vantevore opleiding in hierdie program gehad het nie. Hierdie driedagkursus sal op 29 en 30 September en op 1 Oktober 2008 plaasvind.
5. EEN onderwyser per skool word uitgenooi om elk van die graadgerigte opleidingsessies vir die AOO-band by te woon. EEN VOO-onderwyser per skool word uitgenooi om die driedagkursus by te woon.
6. Die AOO-kursusse sal by die Sentrum vir e-Innovasie, KOI te Nooiensfonteinweg in Kuilsrivier en by Esselenpark Senior Sekondêr te Buitenkanstraat in Esselenpark in Worcester aangebied word. Onderwysers van die Onderwysdistrikte Overberg, Kaapse Wynland en Eden & Sentrale Karoo moet aansoek doen om die kursusse op Worcester by te woon, terwyl onderwysers van die Weskus en die metro-distrikte die kursus by Kuilsrivier moet bywoon. Dui asseblief u voorkeur op die aangehegte registrasievorm.
7. Die VOO-kursus sal by die Sarepta Senior Sekondêr in Kuilsrivier en by Esselenpark Senior Sekondêr te Buitenkanstraat in Esselenpark in Worcester aangebied word.
8. Alle kursusse sal stiptelik om 08:30 begin en om 16:00 eindig.
9. Onderwysers van landelike distrikte sal vergoed word vir reisonkoste. Onderwysers wat beplan om hierdie uitgawes terug te eis, moet die volgende inligting by die kursus beskikbaar hê:
  • PERSAL-nommer
  • Enjinkapasiteit van die voertuig en die jaar van die fabrikaat
  • Afstand in kilometer van die skool na die opleidingsentrum
10. Onderwysers van landelike distrikte wat akkommodasie benodig moet hulle eie reëlings tref. Hierdie opvoeders moet hulle eise op die laaste dag van die kursus indien.
11. 'n Aparte registrasievorm moet voltooi word vir elke individuele onderwyser. Prinsipale word versoek om die ingevulde registrasievorm, aangeheg as Bylae A, teen nie later nie as 8 Augustus 2008 in te dien by die Senior Kurrikulumbeplanner vir Lewensoriëntering, me DJ Christiaans, by faksnommer 021 467 2258 of 021 467 2622.
12. Prinsipale word herinner dat bywoning by hierdie kursusse in ag geneem kan word wanneer onderwysers se GGBS-assessering gedoen word.
13. Prinsipale word versoek om die inhoud van hierdie minuut onder die aandag van alle betrokke Lewensoriënteringsonderwysers te bring.
14. Skakel asseblief met me D Christiaans by 021 467 2589 of e-pos dchristi@pgwc.gov.za vir meer inligting.


GETEKEN: SM NAICKER
HOOF: ONDERWYS
DATUM: 2008:06:26

Bylae A  (grootte: 5 KB)