1. Ekonomie, 'n keusevak in die VOO-band, het vier leeruitkomste, nl. Makro-ekonomie, Mikro-ekonomie, Ekonomies Strewes en Hedendaagse Ekonomiese Kwessies.
2. Teen die einde van die 2007 Mikro-Ekonomie Saterdagwerksessies het baie onderwysers aangedui dat hulle 'n verdere opknappingskursus in Mikro-ekonomie nodig het om die nuwe Ekonomie-kurrikulum doeltreffend te kan aanbied.
3. 'n Eendaagse opknappingskursus sal op Saterdae aangebied word, soos aangedui in Bylae B. Hierdie kursus behandel Mikro-ekonomie (Leeruitkoms 2), Graad 12.
4. Engelssprekende onderwysers moet by hulle onderskeie onderwysdistrikskantore registreer. Afrikaanssprekende onderwysers in stedelike distrikte mag registreer by die naaste onderwysdistrik wat die kursus in Afrikaans aanbied. (nl. Metropool-Noord of Metropool-Oos).
5. Dit word aanbeveel dat alle graad 10 - 12 Ekonomie-onderwysers hierdie werkswinkel bywoon. Die kursus begin stiptelik om 8:30 in die oggend en sal teen 16:00 sluit. Verversings en 'n ligte middagete sal voorsien word.
6. Onderwysers word versoek om hulle graad 10 - 12 Ekonomie-leerderboeke en onderwysersgidse na die werkwinkel saam te bring.
7. Onderwysers van die platteland sal vergoed word vir reiskostes. Afgevaardigdes wat beplan om vir hierdie uitgawes eise in te dien, moet die volgende inligting gereed hê by die konferensie:
  • Persalnommer
  • Enjinkapasiteit van die voertuig wat gebruik is en die jaar van vervaardiging
  • Die kilometerafstand van die skool na die lokaal
8. Onderwysers van plattelandse distrikte wat verder as 120 kilometer van die lokaal af woon en akkommodasie verlang, moet hulle eie reëlings tref. Hierdie onderwysers moet hulle eise indien op die dag van die kursus voor hulle teruggaan.
9. Skoolhoofde word versoek om die voltooide registrasievorm (Bylae A) te faks na die Kurrikulumadviseur vir Ekonomie by die betrokke onderwysdistrik teen nie later nie as 27 Junie 2008. Dui asseblief die korrekte vergaderplek op die vorm aan. (Sien Bylaes A en B.)
10. Skoolhoofde kan die kurrikulumadviseur vir Ekonomie by die betrokke onderwysdistrik (Bylae B) kontak vir verdere inligting.
11. Skoolhoofde word vriendelik versoek om die inligting van hierdie kurrikulumminuut onder die aandag te bring van die vakhoof en onderwysers van Ekonomie.


GETEKEN: SM NAICKER
HOOF: ONDERWYS
DATUM: 2008:06:20

Bylae A  (grootte: 8 KB)
Bylae B  (grootte: 12 KB)