| 1. |
Die Wes-Kaap Onderwysdepartement (WKOD) onderneem tans 'n spesiale projek om alle graad 12-leerders in gewone openbare skole en spesiale skole van 3 voorgeskrewe boeke vir die Huistaal en 2 voorgeskrewe boeke vir die Eerste Addisionele Taal te voorsien.
|
| 2. |
Hierdie projek ondersteun die Nasionale Senior Sertifikaat-eksamen se letterkundevraestel (Vraestel 2) in 2009.
|
| 3. |
Uitgewers is uitgenooi om hulle goedgekeurde letterkundige werke van 2 tot 12 Junie 2008 by uitstallings in die distrikte uit te stal. 'n Uurlange voorlegging waarin die vereistes vir die Nasionale Senior Sertifikaat se letterkunde-eksamen vir graad 12 vir 2009 tot 2011 uiteengesit word, sal by elke lokaal gehou word. Besonderhede van die lokale en die skakelpersone in die distrikte word in die aangehegte Bylae C gegee.
|
| 4. |
Taalonderwysers word aangemoedig om die aangehegte lyste van voorgeskrewe werke na die boekuitstalling te neem en die geleentheid te benut om hulle keuse van voorgeskrewe werke met kollegas en kurrikulumamptenare te bespreek.
|
| 5. |
Hierdie kurrikulumminuut word vergesel van die nasionale literatuurlyste vir graad 12. 'n Nasionale seleksiespan bestaande uit departementele amptenare, vakbondamptenare en onderwysers het die boeke gesif op grond van 'n wye reeks kriteria, insluitende versoenbaarheid met die NKV. Voorgeskrewe werke moet uit die aangehegte lyste (Bylae A) gekies word. Die WKOD sal nie betaal vir boeke wat nie uit hierdie lyste gekies is nie.
|
| 6. |
Vind asseblief aangeheg die volgende:
Bylae A - Katalogus van graad 12-handboeke soos goedgekeur deur die DvO
Bylae B - Rekwisisievorm
Bylae C - Lokale vir die uitstallings van voogeskrewe werke vir graad 12
|
| 7. |
Skole moet hulle keuses vir Huistaal en/of Eerste Addisionele Taal maak en dit op die rekwisisievorm (Bylae B) aandui. Skole word versoek om die volgende op die rekwisisievorm te voorsien:
- Hulle gekose voorgeskrewe werk vir elk van 3 genres vir literatuurstudie in Huistaal
- Hulle gekose voorgeskrewe werk vir elk van die 2 genres wat deur die skole vir Eerste Addisionele Taal gekies is
- Die aantal boeke wat vir elke genre gekies is
((Let daarop dat die bestelling vir graad 12 in 2009 nie die inskrywing vir graad 12 in 2008 met meer as 20% mag oorskry nie tensy 'n spesiale motivering aan die Direkteur: Kurrikulum VOO gestuur word en voor 15 Junie 2008 goedgekeur word.)
- Hulle genomineerde goedgekeurde boekverskaffer
((Die gekose boekverskaffer sal deur die WKOD gekontrakteer word om die boeke by die skool af te lewer. 'n Bygewerkte lys van goedgekeurde verskaffers is in Verkrygingsbestuurminuut 0007/2008 van 21 April 2008 gegee.)
Ingediende rekwisisies wat nie bogenoemde inligting volledig bevat nie, sal teruggestuur word.
|
| 8. |
Die rekwisisievorm (Bylae B) moet deur die prinsipaal en die voorsitter van die beheerliggaam onderteken word en dan per hand of pos by die adres hieronder besorg word:
Straatadres vir aflewering
per hand: LOOM Spesiale Projekte,
Bokmakierie Kollege,
Nuwe Nooiensfonteinweg,
Kuils River, 7580
OF
Posadres: LOOM Spesiale Projekte,
Privaatsak Bag X14,
Kuils River, 7579
Rekwisisies moet hierdie adresse teen nie later nie as 12:00 op 25 Junie 2008 bereik.
|
| 9. |
Sodra die boeke afgelewer is, moet hulle op die skool se inventaris aangebring word, die skool se stempel kry en op die eerste skooldag van 2009 aan leerders voorsien word. Leerders moet instruksies kry oor hoe om na die boeke om te sien en 'n plan moet opgestel word om die boeke aan die einde van die jaar terug te vorder. WKOD-amptenare sal die implementering van hierdie vereistes moniteer wanneer hulle skole besoek.
|
| 10. |
Die WKOD voorsien graag hierdie handboeke aan skole en vertrou dat hulle aangewend sal word om behoorlike onderwys te voorsien.
|
GETEKEN: P SATYO
HOOF: ONDERWYS
DATUM: 2008:05:28
|