| 1. |
‘n Vakoriënteringswerkswinkel sal gehou word vir alle Wes-Kaapse onderwysers van Ingenieursgrafika en Ontwerp en onderwysers van Siviele Tegnologie tydens die Junie 2008 skoolvakansie. Die werkswinkels sal ook die nuwe vakassesseringsvereistes behandel en fokus op die ontwikkeling van ‘n praktiese assesseringstaak.
Die opleiding sal plaasvind in die Distrikte van Eden & Karoo, Kaapse Wynland en in die Kaapse metropolitaanse area. Vergaderplekke en tye sal aangekondig word wanneer belangstelling in die kursus vasgestel is en ‘n diensverskaffer voorsien is.
Onderwysers wat verlang om die werkswinkel by te woon, moet by die Hoofkantoor registreer. Die aangehegte registrasievorm (Bylaag A) moet voltooi word en teen 26 Mei 2008 voorgelê word aan mnr VJ de Bruin by e-posadres vdebruin@pgwc.gov.za of faksno. 021 467 2258. Geen laat aansoeke om registrasie sal aanvaar word nie. Vir verdere inligting, kontak asseblief mnr De Bruin by tel. 021 467 2242.
|
| 2. |
Werkswinkelbenodigdhede
Onderwysers moet die volgende dokumente, wat onder skole versprei is, na die werkswinkel saambring:
- National Curriculum Statement for Engineering Graphics and Design / Civil Technology
- Vakassesseringsriglyne
- Engineering Graphics and Design / Civil Technology PAT 2007, Revised Feb 2008
|
| 3.1 |
Onderwysers wat verblyf verlang, moet hulle eie verblyf bespreek en kan skriftelike eise voorlê tot ‘n maksimum van R750 per dag (alles ingesluit - aandete, bed en ontbyt).
|
| 3.2 |
Onderwysers wat verkies om van privaatverblyf by vriende of familielede gebruik te maak, kan ‘n maksimum eis van R200 per dag In sulke gevalle moet ‘n kwitansiebewys aangeheg word by die voorgelegde eis.
|
| 3.3 |
Onderwysers sal ook vir reiskoste vergoed word.
|
| 3.4 |
Die WKOD sal nie onderwysers vergoed vir uitgawes aangegaan vir die maak van privaat telefoonoproepe of vir die gebruik van alkoholiese drank nie.
|
| 4.1 |
Onderwysers moet hulle eisvorms by die lokaalbestuurder van die lokaal aan die einde van die kursus inlewer.
|
| 4.2 |
Dit is dus noodsaaklik dat elke onderwyser die volgende na die werkswinkel sal bring:
- Persalnommer
- Registrasiebesonderhede van die voertuig waarmee gereis word
- Bankrekeningbesonderhede
- Alle toepaslike fakture wat dien as bewys van uitgawes (op laaste dag nodig)
|
| 4.3 |
Onderwysers wat gebruik maak van openbare vervoer (bus- en treindienste) moet amptelike kwitansies aan hulle eisvorms vasheg. Waar onderwysers van minibusse gebruik maak, moet eise vergesel word, óf van kwitansies, óf van ‘n brief van die prinsipaal om die uitgawe wat aangegaan is te bevestig. Elke onderwyser moet ‘n aparte gewaarmerkte eisvorm indien.
|
| 4.4 |
Geen onderwyser sal vergoed word vir reis- of verblyfuitgawes wat aangegaan is op pad na die opleidingslokaal vanaf ‘n vakansiebestemming, of van enige ander plek wat nie sy permanente residensiële adres is nie.
|
| 5. |
Prinsipale word versoek om seker te maak dat die inhoud van hierdie minuut onder die aandag gebring word van onderwysers van Ingenieursgrafika & Ontwerp en Siviele Tegnologie vir graad 10 tot 12.
|
GETEKEN: P SATYO
HOOF: ONDERWYS
DATUM: 2008:05:23
|