1. Die Nasionale Kurrikulumverklaring vir Siviele Tegnologie maak voorsiening vir die onderrig van Rekenaarondersteunde Tekene (ROT) in graad 10 tot 12.
2. Die Wes-Kaap Onderwysdepartement het sedert 2006 opleidingsessies vir Siviele Tegnologie-onderwysers aangebied en is nou gereed om die afdeling in te faseer.
3. Die diensverskaffer Knowledge Base het aan elke skool met 'n onderwyser wat opleiding ondergaan het, die nodige sagteware gratis voorsien.
4. Handleidings wat tydens opleiding voorsien is, is ook vir leerders beskikbaar teen R57.00 per afskrif. Bestellings moet direk by Knowledge Base geplaas word.
5. Die lisensie, onderhewig aan bepaalde gebruiksvoorwaardes, maak dit vir skole moontlik om die sagteware op hul rekenaarstelsel te installeer. Die magtiging vir die gebruik van die sagteware verval wanneer die onderwyser wat opleiding ontvang het die skool verlaat.
6. Skole is ook van sagteware voorsien wat leerders tuis op hul rekenaars kan installeer.
7. ROT word hierdie jaar in graad 10, in 2009 in graad 11 en in 2010 in graad 12 infaseer. Volgens die graad 10-werkskedule word ROT eers vanaf die derde kwartaal en vanaf die eerste kwartaal in graad 11 en 12 aangebied.
8. Die handleiding, Inligtingstegnologie en Kommunikasie, dui op bladsy .. aan dat een uur per week in Siviele Tegnologie aan ROT afgestaan moet word.
9. Omdat die Kurrikulumverklarings vir Siviele Tegnologie en Ingenieursgrafika en Ontwerp (IGO) die inleiding tot ROT in graad 10 aandui, word dele van die werkskedule van IGO vir graad 10 aangeheg vir gebruik in Siviele Tegnologie.
10. Skole sal gedurende hierdie kwartaal deur kurrikulumadviseurs, en waar moontlik, die diensverskaffer Knowledge Base, besoek word om die vlak van gereedheid vir die infasering van ROT te bepaal.
11. Skoolhoofde moet asseblief die inhoud van hierdie minuut onder die aandag van die betrokke onderwysers en leerders bring.


GETEKEN: P SATYO
HOOF: ONDERWYS
DATUM: 2008:05:16