Let asseblief op die volgende met verwysing na OMSENDBRIEF S1 VAN 2008, uitgereik deur die nasionale Departement van Onderwys:

1. Graad 12-leerders wat Visuele Kunste aanbied moet ses uit tien temas kies, soos dit gelys is in die Leerprogram-riglyndokument vir Visuele Kunste van Januarie 2008.
2. Die eksamenpaneel het ses verskillende kunstenaars in elke kategorie gekies en leerders moet een van die kunstenaars uit die lys bestudeer. Daar is egter bevind dat die werke van een kunstenaar in die kategorie "Multimedia" en twee kunstenaars in die kategorie "Geslagskwessies" in Suid-Afrikaanse kuns nie vir skooldoeleindes geskik is nie. Die kunstenaars is die volgende:
  • Mnr Steven Cohen in die "Multimedia"- en "Geslagskwessies"-kategorieë in
    Suid-Afrikaanse Kuns
  • Mnr Peet Pienaar in die "Geslagskwessies"-kategorie in Suid-Afrikaanse Kuns
Die werke van bogenoemde kunstenaars moet onmiddellik uit die Leerprogram-riglyndokument vir Visuele Kunste van 2008 verwyder word.
3. Die Leerprogram-riglyndokument vir Visuele Kunste van 2008 moet soos volg gewysig word:

Bladsy 57:

In die eerste kolom, onder die onderopskrifte Multimedia, alternatiewe kontemporêre en populêre kunsvorme in Suid-Afrika, moet die kunstenaar Steven Cohen in die tweede kolom verwyder word.

Bladsy 58:

In die eerste kolom, onder die onderopskrif Geslagskwessies in Suid-Afrikaanse Kuns, moet die kunstenaars Steven Cohen en Peet Pienaar in die tweede kolom verwyder word.

4. Onderwysers moet ingelig word dat hulle versigtig en sensitief moet wees teenoor leerders en hulle gesinne by die seleksie van visuele materiaal vanaf die internet of enige ander media.
5. Bogenoemde veranderinge sal aan die toepaslike dokumente gemaak word wat op die Thutong-poort en die Departement van Onderwys se webblad beskikbaar is.
6. Prinsipale word versoek om hierdie kennisgewing onder die aandag van alle betrokkenes te bring.


GETEKEN: P SATYO
HOOF: ONDERWYS
DATUM: 2008:04:18