| 1. |
Hieronder word die prosedures gegee wat gedurende die afneem van die finale NSS praktiese eksamen vir die volgende vakke gevolg moet word:
|
| 2. |
VISUELE KUNSTE EN ONTWERP
|
| 2.1 |
Die 2008 finale vraestelle vir die praktiese eksamen in Visuele Kunste en Ontwerp Visuele Kunste Vraestel 2 (Prakties) en Ontwerp Vraestel 2 (Prakties) sal elk uit die volgende twee afdelings bestaan:
Afdeling A: Bronboek/Werkboek
Afdeling B: Die Kunswerk.
|
| 2.2 |
Die praktiese eksamenvraestel vir Visuele Kunste is reeds by alle skole afgelewer wat hierdie vak aanbied. Die praktiese eksamenvraestel vir Ontwerp vergesel hierdie minuut. Die doel daarmee om die vraestel vroeg uit te deel, is om kandidate in kennis te stel van die navorsing wat hulle sal moet onderneem ten einde afdeling A in die vraestel te kan beantwoord. Kandidate moet by ontvangs van die vraestel 'n register onderteken.
|
| 2.3 |
Gedurende die derde kwartaal moet kandidate genoegsame navorsing onderneem en alle toepaslike materiaal regkry vir afdeling A van die eksamenvraestel. Afdeling A kan óf gedurende onderrigtyd óf ná skoolure gedoen word. Afdeling A van die eksamen moet afgehandel word voordat afdeling B van die praktiese eksamen aangepak word.
|
| 2.4 |
Afdeling B van die eksamen moet tussen 17 September 2008 en 17 Oktober 2008 by die eksamenlokaal en gedurende normale onderrigtyd afgehandel word. Daar word voorgestel dat bloksessies van 4-6 uur oor 'n aantal dae gereël moet word totdat alle kandidate die vereiste kunswerk klaargemaak het, bv. keramiekbeeldhouwerk.
|
| 2.5 |
Die Visuele Kunste- en/of Ontwerp-onderwyser moet streng toesig hou gedurende die afneem van die eksamen.
|
| 2.6 |
Die senior kurrikulumbeplanner en die kurrikulumadviseur sal seker maak dat alle praktiese werk nagesien en betyds gemodereer word. Die modereringsdatums sal binnekort gefinaliseer word en aan alle skole wat Visuele Kunste en Ontwerp aanbied, deurgegee word.
|
| 3.1 |
Die volgende prosedure moet vir Musiek Vraestel 2 (Musiekbegrip) gevolg word.
|
| 3.2 |
Die WKOD sal vooraf aan elke skool of eksamensentrum 'n kompakskyf (CD) gee.
|
| 3.3 |
Skole mag nie kopieë van die CD maak nie en net die oorspronklike CD mag gebruik word.
|
| 3.4 |
Twee dae voor die eksamen moet die Musiek-onderwyser die CD en die klanktoerusting wat gebruik gaan word, toets. Al die snitte moet getoets word.
|
| 3.5 |
Indien daar fout is met die CD, moet mnr Clive Berry, van die Eksamens Direktoraat, onmiddellik daarvan ingelig word by telefoonnommer 021 467 2265.
|
| 3.6 |
Op die dag van die eksamen moet die Musiek-onderwyser die CD weer nagaan 'n uur voor die aanvang van die eksamen.
|
| 3.7 |
Die Musiek-onderwyser moet op die vraestel nagaan hoeveel snitte gespeel moet word en hoe lank elke snit moet duur.
|
| 3.8 |
Elke snit moet slegs een keen vir die kandidate gespeel word. Snitte mag onder geen omstandighede herhaal word indien kandidate dit sou versoek nie.
|
| 3.9 |
Hierdie eksamen moet binne 1½ uur afgeneem word.
|
| 3.10 |
Alle kandidate moet die eksamenlokaal verlaat nadat die geskeduleerde tyd verstryk het. Geen kandidaat mag die lokaal verlaat voordat die geskeduleerde tyd verstryk het nie.
|
| 4. |
Om die geloofwaardigheid van hierdie eksamen te verseker, is dit noodsaaklik dat die voorgemelde prosedures streng nagevolg word.
|
| 5. |
Die inhoud van hierdie minuut moet onder die aandag van die betrokke graad 12-onderwysers gebring word.
|
| 6. |
Ons dank u vir u ondersteuning en samewerking.
|
GETEKEN: T SINGH
HOOF: ONDERWYS
DATUM: 2008:09:10
|