| 1. |
Die aangehegte rooster vir die BOOV-vlak 4-eksamen in Oktober 2008 is van die nasionale Departement van Onderwys ontvang. Die eksamen sal op 27 Oktober 2008 'n aanvang neem en op 17 November 2008 ten einde loop. Elke leerarea sal van 14:00 tot 17:00 op die betrokke dag geskryf word. Aangesien hierdie assessering 'n nasionale eksamen is, is die datums en tye landswyd van toepassing en geen afwyking van die rooster kan toegelaat word nie.
|
| 2. |
Soos in die verlede sal die eksamenproses deur distriks- en Hoofkantooramptenare en verteenwoordigers van die DvO en Umalusi gemonitor word.
|
| 3. |
Indien die assessering op die perseel van 'n hoofstroomskool plaasvind, moet die sentrumbestuurder vooraf reëlings tref vir die gebruik van die kluis, die administrasiegebou, klaskamers, ablusiegeriewe, ens.
|
| 4. |
Sentrums moet seker maak dat hulle hoofopsieners en opsieners goed opgelei en bevoeg is om die administrasie van die eksamen te behartig.
|
| 5. |
Dit is die verantwoordelikheid van die sentrumbestuurder om administratiewe sake te bestuur. Die sentrumbestuurders moet dus voor die aanvang en aan die einde van elke assesseringsessie by die eksamensentrums wees.
|
| 6. |
Geen persoon mag die eksamenlokaal binnegaan tensy hy of sy 'n wettige toelatingsbrief en 'n geldige dokument wat identiteit aandui, getoon het nie.
|
| 7. |
Sentrumbestuurders word ook versoek om:
|
| 7.1 |
so gou as moontlik die rooster aan al hulle opvoeders en kandidate beskikbaar te stel sodat hulle hulle finale reëlings vir die eksamen kan tref;
|
| 7.2 |
al hulle kandidate daaraan te herinner dat hulle identiteitsdokumente en toelatingsbriewe voor die aanvang van elke assesseringsessie getoon moet word;
|
| 7.3 |
namens die Wes-Kaap Onderwysdepartement al hulle kandidate voorspoed met die assessering toe te wens.
|
GETEKEN: T SINGH
HOOF: ONDERWYS
DATUM: 2008:07:24
|