1. Skole en distrikte word versoek om hulle eie interne reëlings te tref t.o.v. die opstel, modereer en die aflê van die 2008 graad 12-voorbereidende eksamen.
2. Die graad 12-voorbeeldvraestelle, saam met die toepaslike nasionale kurrikulumverklarings, vakassesseringsriglyne en eksamenriglyne moet sover moontlik geraadpleeg word by die opstel van die voorbereidende eksamenvraestelle.
3. Die standaard en vorm van die voorbereidende eksamenvraestelle moet vergelykbaar wees met dié van die voorbeeldvraestelle.
4. Tydens September en Oktober 2008 sal skole voorsien word van vraestelle en nasienmemoranda in sekere vakke, wat deur skole gebruik moet word vir hersieningsdoeleindes ter voorbereiding van kandidate vir die finale NSS-eksamens. Die Direktoraat: Assesseringsbestuur sal hierdie eksamenvraestelle en nasienmemoranda op sy webtuiste http://curriculum.pgwc.gov.za/site/22/page/view/ verskaf nadat die voorbereidende eksamens afgelê is.
5. Prinsipale word versoek om die inhoud van hierdie minuut onder die aandag van al die betrokke graad 12-onderwysers en -leerders te bring.


GETEKEN: TT SINGH
HOOF: ONDERWYS
DATUM: 2008:04:08