| 1. |
Die Nasionale Senior Sertifikaat sal vir die eerste keer in November 2008 vir Graad 12 afgeneem word. Die WKOD is dankbaar vir skole se aktiewe deelname aan die Graad 11-eksamen van 2007. Ons hoop dat dit waardevolle voorbereiding vir die NSS van 2008 was.
|
| 2.1 |
Die nasionale DvO het die WKOD van die aangehegde voorbeeldvraestelle en memoranda vir graad 12 voorsien om skole en hul leerders met hul voorbereiding vir die eindeksamens te help. Die WKOD het nog nie al die voorbeeldvraestelle ontvang nie, maar sal dit binnekort aan skole stuur.
|
| 2.2 |
Die WKOD sal 'n drukstuk van elke vraestel en memorandum vir die verskillende vakke van die NSS aan elke skool voorsien wat die NSS aanbied.
|
| 2.3 |
Skole wat RTT en IT aanbied, sal ook 'n CD met data vir hierdie praktiese vakke ontvang.
|
| 2.4 |
Net skole wat Visuele Kunste aanbied sal 'n kleurweergawe van die vraestel ontvang.
|
| 3. |
Skole word versoek om die vraestelle in hul vakspanne te bespreek om insig oor die soort vrae, eksamenvaardighede, formaat van vraestelle, ens. te kry.
|
| 4. |
Die voorbeelde behoort nie as formele assesseringsinstrument gedurende die jaar gebruik te word nie, maar onderwysers behoort die insig uit vakvergarderings te gebruik om leerders vir die finale eksamen voor te berei.
|
| 5. |
Die voorbeelde is op die DvO-webtuiste beskikbaar en sal ook op CD by Edumedia (tel: 021 689 9536) verkrygbaar wees.
|
| 6. |
Skole is welkom om kommentaar op die nasionale graad 12-voorbeeldvraestelle te lewer en dit aan die Direkteur: Assesseringsbestuur, WKOD, Privaatsak X9114, Cape Town, 8000 te stuur. Skole kan ook hul kommentaar na jparbhoo@pgwc.gov.za e-pos. Die aangehegte kommentaarvorm kan gebruik word en moet die WKOD nie later nie as 7 Maart bereik.
|
| 7. |
Die WKOD wens skoolhoofde, onderwysers en leerders alles van die beste toe gedurende hierdie eerste jaar van die Nasionale Senior Sertifikaat op graad 12-vlak.
|
GETEKEN: Z. MODIMAKWANE
HOOF: ONDERWYS
DATUM: 2008:02:01
|