1. Hierdie minuut vervang punt 3 van Assesseringsbestuurminuut 0009/2008.
2. Die volgende prosedure moet vir Musiek Vraestel 2 (Musiekbegrip) gevolg word.

2.1 Die WKOD sal vooraf aan elke skool of eksamensentrum 'n kompakskyf (CD) verskaf.
2.2 Die CD sal afsonderlik van die vraestelle vir Musiek Vraestel 2 verpak word.
2.3 Die hoofopsiener moet erkenning van ontvangs van die CD teken en dit in veilige plek bewaar.
2.4 Skole mag nie kopieë van die CD maak nie en net die oorspronklike CD mag gebruik word.
2.5 'n Week voor die eksamen moet die Musiekonderwyser die CD en die klanktoerusting wat gebruik gaan word, in die teenwoordigheid van die hoofopsiener toets. Al die snitte moet getoets word.
2.6 Die musiekonderwyser en hoofopsiener moet teken dat hulle die CD oopgemaak en getoets het.
2.7 Indien daar fout is met die CD, moet mnr Clive Berry, van die Direktoraat: Eksamens onmiddellik daaromtrent ingelig word by telefoonnommer 021 467 2265.
2.8 Op die dag van die eksamen moet die musiekonderwyser die CD weer nagaan 'n uur voor die aanvang van die eksamen.
2.9 Elke musiekuittreksel (snit) moet die aantal kere soos op die vraestel aangedui, gespeel word. Genoegsame tyd moet tussen die herhaling van die snitte toegelaat word om die kandidate 'n geleentheid te bied om hul antwoorde neer te skryf voordat die volgende snit gespeel word.
2.10 Snitte mag onder geen omstandighede herhaal word indien kandidate dit sou versoek nie.
2.11 Die CD-spelers moet met batterye toegerus wees om te verseker dat klankvoorbeelde gedurende 'n kragonderbreking gespeel kan word.
2.12 'n Geskikte lokaal en klankapparaat moet gebruik word ten einde goeie klank en akoestiek te verseker.
2.13 Hierdie eksamen moet binne 1½ uur afgeneem word.
2.14 Alle kandidate moet die eksamenlokaal verlaat nadat die geskeduleerde tyd verstryk het. Geen kandidaat mag die lokaal verlaat voordat die geskeduleerde tyd verstryk het nie.
2.15 Die eksamen moet onder toesig van die hoofopsiener afgelê word.

3. Ons dank u vir u ondersteuning en samewerking.


GETEKEN: T SINGH
HOOF: ONDERWYS
DATUM: 2008:11:20