| 1. |
Die nasionale Departement van Onderwys (NvO) het die WKOD in kennis gestel van die volgende dringende instruksies aangaande die afneem van die Nasionale Senior Sertifikaat-eksamen (NSS-eksamen) vir sekere vakke:
|
| 2. |
Tweede Addisionele Taal Vraestel 1 (Amptelike Tale)
|
| 2.1 |
Die duur van alle Tweede Addisionele Taal Vraestel 1 -eksamens is verander van 2 uur na 2˝ uur. Dit is gedoen met inagneming daarvan dat Vraestel 1 nou langer is en letterkunde insluit.
|
| 2.2 |
Alle hoofopsieners moet in kennis gestel word van hierdie verandering, aangesien die vraestel sowel as die eksamenrooster 'n tyd van 2 uur sal aandui. Kandidate moet egter toegelaat word om vir 2˝ uur te skryf.
|
| 2.3 |
Prinsipale moet asseblief verseker dat hierdie verandering aangebring word op die dag van die eksamen.
|
| 3. |
Landboubestuurspraktyke
|
| 3.1 |
Landboubestuurspraktyke sal geskryf word op Dinsdag, 2 Desember 2008 op 09:00.
|
| 3.2 |
Hierdie vraestel dek al die produksieondernemings wat aangebied word deur alle kandidate in die land. Dit is dus belangrik dat die vakonderwyser teenwoordig moet wees om die hoofopsiener by te staan voor hierdie vraestel geskryf word.
|
| 3.3 |
Die vakonderwyser moet toegelaat word om die kandidate te lei, deur die inhoudbladsy te gebruik vir die seleksie van die produksieondernemings wat deur die skool aangebied word.
|
| 3.4 |
Sodra hierdie seleksie gedoen is, moet die vakonderwyser die eksamenlokaal verlaat.
|
| 3.5 |
Prinsipale moet seker maak dat hierdie instruksie vir hierdie vak uitgevoer word.
|
| 4.1 |
Die mondelinge eksamen vir Spaans en Italiaans moet afgelę word onmiddellik na die voltooiing van die Vraestel 2-eksamen, wat geskeduleer is om op Donderdag, 30 Oktober teen 14:00 geskryf te word. Die mondelinge eksamen vir Spaans en Italiaans moet dus om 16:30 begin.
|
| 4.2 |
Die OER sal kandidate selekteer wie se portefeuljes vir moderering beskikbaar gestel moet word vir alle nie-amptelike tale en sal die WKOD te gelegener tyd inlig. Skole met kandidate wat die nie-amptelike tale skryf, moet alle portefeuljes van sodanige kandidate hou. Die WKOD sal die skole kontak sodra die name van die kandidate vir moderering deur die OER aangekondig is.
|
| 5. |
Die WKOD wil u bedank vir u samewerking en ondersteuning om te verseker dat die NSS-eksamens doeltreffend afgeneem en bestuur word.
|
GETEKEN: AP CLAUSEN
HOOF: ONDERWYS
DATUM: 2008:10:29
|