1. Die eksamen vir Rekenaartoepassingstegnologie bestaan uit Vraestel 1 (Praktiese), Vraestel 2 (Teorie) en 'n opsionele tydsakkuraatheidstoets. Die tydsakkuraatheids-toets vorm nie deel van die Rekenaartoepassingstegnologie Vraestel 1 nie, as wat die geval was met Rekenaartik SG. As gevolg daarvan word dit aangebied as 'n opsionele tydsakkuraatheidstoets.
2. Slegs as die kandidaat woorde per minuut 20 of meer is sal dit op die kandidaat se uitslag gereflekteer word.
3. Die Spoedendossementtoets sal na die oggendsessie (Sessie 7) op Maandag, 3 November 2008 afgeneem word, wat beteken dat dit op dieselfde dag as Rekenaartoepassingstegnologie Vraestel 2 (nie Rekenaar-toepassingstegnologie Vraestel 1 nie) afgeneem sal word.
4. Om skole te akkommodeer wat meer as een sessie nodig het om hierdie toets te skryf, sal die Spoedendossementtoets vanaf 11:25 afgeneem word, met 'n tweede sessie wat om 12:30 sal begin, waar nodig.
4.1 Kandidate vir die Spoedendossementtoets moet ten minste 20 minute voor die eksamen in die eksamenlokaal toegelaat word ten einde op hulle rekenaars te oefen en om die rekenaars vir die toets gereed te maak.
4.2 Skole moet seker maak dat 'n Rekenaartoepassingstegnologie- en/of 'n Inligtingstegnologie-onderwyser teenwoordig is om die tyd van die sessie ingevolge toetsbordreëls te bestuur.
4.3 Alle kandidate moet die eksamenlokaal verlaat nadat die geskeduleerde tyd verstryk het. Geen kandidaat mag die lokaal verlaat voordat die geskeduleerde tyd verstryk het nie.
4.4 Die antwoorde moet onmiddellik na afloop van die Spoedendossementtoets uitgedruk word en die opsiener moet na die laaste gedrukte woord op elke bladsy teken.
4.5 Nakoming van bogenoemde prosedures is baie belangrik om die geldigheid van hierdie eksamen te verseker.
5. Die tydstoekenning hieronder moet gedurende die afneem van die Spoedendossementtoets gevolg word:

TYDAKTIWITEIT
11:25Kandidate kom die eksamenlokaal binne
11:30-11:35ID's, wagwoorde en vraestel word uitgereik
11:35-11:50Oefentyd
11:50-12:00Lê die Spoedendossementtoets af
12:00-12:25Verkry drukstukke, onderteken eksamenantwoordskrifte en vul puntestate in

Tye vir sessies by skole wat 'n tweede sessie benodig:

TYDAKTIWITEIT
12:30Kandidate kom die eksamenlokaal binne
12:30-12:35ID's, wagwoorde en vraestel word uitgereik
12:35-12:50Oefentyd
12:50-13:00Lê die Spoedendossementtoets af
13:00-13:25Verkry drukstukke, onderteken eksamenantwoordskrifte en vul puntestate in

6. Afsonderlike puntestate sal gebruik word vir die vaslegging van punte of uitslae van die Spoedendossementtoets en Rekenaartoepassingstegnologie Vraestel 2 onderskeidelik.
7. Die spoedendossementtoets moet teen 13:25 afgehandel wees om die kandidate geleentheid to gee om na die eksamenlokaal te beweeg om Rekenaartoepassings-tegnologie Vraestel 2 te skryf.
8. Die inhoud van hierdie minuut moet onder die aandag van die Rekenaartoepassings-tegnologie-kandidate in graad 12, hulle onderwysers, die hoofopsieners en opsieners gebring word.
9. Dankie vir u ondersteuning en samewerking.


GETEKEN: T SINGH
HOOF: ONDERWYS
DATUM: 2008:10:16