1. Aflewering van afdeling B van die GTA
1.1 Afdeling B van die GTA sal vanaf 7 November 2008 afgelewer word.
1.2 Die Direktoraat: Eksamenadministrasie sal Afdeling B in twee besendings aflewer:

Besending 1
Leerareas geskeduleer vir 17 tot 21 November 2008
Besending 2
Leerareas geskeduleer vir 24 tot 28 November 2008
Huistaal
Eerste Addisionele Tale
Lewensoriëntering
Wiskunde
Ekonomiese en Bestuurswetenskappe
Natuurwetenskappe
Sosiale Wetenskappe
Kuns en Kultuur
Tegnologie
Tweede Addisionele Taal

1.3 Geweldige probleme is ondervind met die verspreiding van die GTA: Afdeling A t.o.v. leerderregistrasienommers en die foutiewe registrasie van die verskillende taalvlakke deur leerders aangebied. Prinsipale moet dus weer alle leerderregistrasies en taalregistrasies verifieer en bywerk.
1.4 GTA: Afdeling B aflewerings sal gebaseer word op die getal leerders wat die skool op SOBIS geregistreer het. Waar die registrasiegetalle op SOBIS korrek is, maar die WKOD die verkeerde getal kopieë afgelewer het, moet enige tekorte aan me Louisa Booysen gerapporteer word. Haar kontakbesonderhede is soos volg:

E-posadres: lbooysen@pgwc.gov.za

Telefoonnommer: 021 467 2953


2. Memorandums
2.1 Die memorandums vir al die leerareas sal verskaf word op 'n CD wat beskerm is deur 'n wagwoord. Elke leerareamemorandum sal 'n unieke wagwoord hê.
2.2 Die diensverskaffer sal die CD's wat die memorandums bevat by skole aflewer. Die CD's sal in 'n verseëlde houer in 'n koevert in een van die houers wees. Die houer met die CD sal duidelik gemerk wees.
2.3 Die wagwoord vir elke leerarea sal beskikbaar gestel word nadat elke eksamen afgehandel is. Leerareawagwoorde sal ook beskikbaar wees op die Assesseringswebtuiste: http://curriculum.pgwc.gov.za/site/21/page/view/.
2.4 Daarbenewens sal distriksbeamptes die betrokke wagwoorde aan al die beamptes wat by hierdie proses betrokke is, e-pos.
2.5 Skole wat probleme ervaar met e-pos of Internetkonneksies kan die distriksassesseringskoördineerders en IBB-adviseurs skakel om die wagwoord te verkry.
3. Graad 9-uitslaeprogram
3.1 Omdat die totale punt van die GTA verander het, moet die graad 9-uitslaevasleggingsprogram wat skole van die SOBIS-tuiste aflaai, bygewerk word. In al die vorige jare was die totale punt vir GTA Afdeling A 120 en vir Afdeling B 80. Die 2008-program is ontwikkel voor die koms van die finale GTA-kopieë. Met die ontvangs van die GTA is besef dat die totaalpunt as volg verander is:

Afdeling A: 150
Afdeling B: 100


3.2 Prinsipale moet seker maak dat 'n nuwe meesterkopie van SOBIS afgelaai word na 10 November 2008. Die instruksies oor hoe om die resultate na 'n nuwe meesterkopie in te voer (sien Addendum A) moet noukeurig gevolg word. Indien graad 9-koördineerders enige probleme in hierdie opsig ervaar, moet hulle hulle distriksassesseringskoördineerders skakel vir ondersteuning en leiding.
3.3 Onderwysers wat Xhosa Tweede Addisionele Taal aanbied, moet die GTA se totale punte vir hulle leerders omskakel na 150 en 100 vir Afdeling A en B onderskeidelik.

4. Bestuur van die GTA
Bestuurders word daaraan herinner dat die GTA bestuur moet word ooreenkomstig die GTA Regulatiewe Raamwerk soos gestipuleer in Omsendbrief 0036 van 2008.

5. Aanpassing vir leerders met spesiale behoeftes
5.1 Die DvO sal GTA's in Braille en vergrote letters aan geïdentifiseerde WKOD-skole aflewer.
5.2 Prinsipale moet aanpassings vir leerders met ander gestremdhede bestuur ooreenkomstig die instruksies soos verskaf op die WKOD se leergestremdhede-webtuiste: http://curriculum.pgwc.gov.za/go/barriers/.
5.3 Geen veranderings mag aangebring word aan memorandums van enige leerarea nie. Bewyse van aanpassings wat gemaak is aan 'n besondere leerareamemorandum vir leerders met gestremdhede, moet in rooi aangedui word en aan die volgende adres gestuur word:

Me K Kitshoff
AHOK Inklusiewe Onderwys
Wes-Kaap Onderwysdepartement
Kamer 806
Grand Central-gebou
Kaapstad, 8000


5.4 Hierdie voorbeelde sal geliasseer word as deel van 'n proses om 'n databank op te bou van voorbeelde van goeie praktyk vir skole in die WKOD.

6. Bronne

Sosiale Wetenskap-kaarte

Die Sosiale Wetenskap-kaarte sal vir albei afdelings van die GTA gebruik word. Skole word vriendelik versoek om seker te maak dat die kaarte terugbesorg word in goeie toestand na die voltooiing van Afdeling A en dat hulle in 'n veilige plek bewaar word. Hulle moet weer uitgedeel word op 25 November vir die aanbieding van Afdeling van die Sosiale Wetenskappe.


7. Monitering van die GTA

WKOD-beamptes sal die afneem en bestuur van die GTA moniteer. Angeheg by hierdie assesseringsminuut, as Addendum B, is 'n voorbeeld van die moniteringsinstrument. Dit is bedoel vir u inligting en moet gebruik word as 'n kontrolelys vir u eie interne moniteringsproses.


8. Omsendbriewe en dokumente in verband met die graad 9-prosesse

Distriksbestuurders en prinsipale word vriendelik versoek om seker te maak dat die volgende omsendbriewe versprei is en met alle personeellede bespreek is
Omsendbrief 0049/2007  Skedules
Omsendbrief 0020/2008  GTA Afdeling B Rooster
Omsendbrief 0024/2008  Vaslegging van graad 9 uitslae
Omsendbrief 0036/2008  GTA Regulatiewe Raamwerk


9. Terugvoer
9.1 Die WKOD strewe daarna om die GTA-proses te verbeter deur middel van deurlopende terugvoer aan die nasionale Departement van Onderwys (DvO). Ons wil elke onderwyser en bestuurder bedank wat die terugvoer op die GTA in 2007 voltooi het en sodoende die WKOD in staat gestel het om in 2007 'n gekonsolideerde verslag aan die DvO oor die gehalte en proses van die GTA voor te lê.
9.2 Ons versoek skole vriendelik om weer die tyd te neem om 'n terugvoerblad vir elke leerarea vir die GTA in 2008 te voltooi (Addendum C). Die voltooide blaaie kan gefaks word na Heléne van Zyl by faksnummer 021 467 2620 of per e-pos gestuur word aan hevanzyl@pgwc.gov.za
10. Ons wil u bedank vir u samewerking en wens u alles van die beste toe vir die vierde kwartaal van 2008.


GETEKEN: J.H. HURTER
HOOF: ONDERWYS
DATUM: 2007:07:05

Addendum A: "Instructions to download..."  (grootte: 39 KB)
Addendum B: "CTA Monitoring Instrument..."  (grootte: 44 KB)
Addendum C: "CTA Comments 2008"  (grootte: 44 KB)