1. |
IYunithi yeHIV/AIDS yeSebe leMfundo eNtshona Koloni inqwenela ukwazisa bonke ootitshala, abazali nabafundi ukuba izibonelelo zokuncedisa ukufunda nokufundisa zeZakhono zoBomi kwiHIV/AIDS ezinikwa izikolo qho ngonyaka, ziya kuphinda zifumaneke kwakhona ezikolweni ngo-2008.
|
2. |
Ngenyanga kaSeptemba ukuya kuNovemba 2007, izibonelelo zokuncedisa ukufunda nokufundisa zeZakhono zoBomi kwiHIV/AIDS ekuzezi iZikhokelo zikaTitshala (Educator Guides), iZikhokelo zooVimba boLwazi (Resource Guides) neencwadi zokusebenza zabafundi (learner workbooks), ezisekho kwizitora ziya kuziswa kwizikolo zeSebe leMfundo leNtshona Koloni eziwela phantsi kwamaNqanaba eNtlupheko 1, 2 no-3 (WCED Quintile 1, 2 and 3 schools), kwizikolo ze-LSEN nakwiiKholeji zeFET.
|
3. |
Kufakwe ezi zibonelelo zilandelayo ukongeza zezikolo ezikwiNqanaba leNtlupheko 1, 2, no-3:
|
3.1 |
Stronger than the Storm - Iincwadi zabafundi
|
3.2 |
Stronger than the Storm - ISikhokelo sikatitshala
Kucetyiswa ukuba ezi ncwadi zisetyenziswe ngabafundi beBakala 8 no-9 kwinkalo yesifundo yoLwimi. Ukuba ufuna naluphi na uncedo olulolunye, kucelwa ukuba uqhagamshelana nabacebisi bekharityhulam kwii-EMDC.
|
3.3 |
IKithi yeBhayiloji-(Biology Kit)- Kucetyiswa ukuba le kithi isetyenziselwe iBakala 8 no-9 kwinkalo yesifundo ye-Natural Sciences.
Ukuba ufuna naluphi na uncedo olulolunye, kucelwa ukuba uqhagamshelana nabacebisi bekharityhulam kwii-EMDC.
|
4. |
IYunithi ye-HIV/AIDS inqwenela ukwazisa zonke iintloko zamaziko emfundo ukuba, ukususela ngo-2008, izibonelelo zokuncedisa ukufunda nokufundisa ezizikopi eziprintiweyo (hard copy material), ziya kunikwa kuphela izikolo ezikumaNqanaba eNtlupheko 1, 2, no-3. Zonke ezinye izikolo ziya kunikwa iikopi zee-CD zezibonelelo zokuncedisa ukufunda nokufundisa neziya kwenza ootitshala babe nokukhuphela (download) kuphela ezo zibonelelo bazifunayo. Ezi zibonelelo ziya kuqala ukusiwa ezikolweni ngekota yesine ka-2007.
|
5. |
Injongo yeYunithi ye-HIV/AIDS kukuba zonke izibonelelo zokuncedisa ukufunda nokufundisa zeHIV/AIDS zifumaneke kwiziko lewebhu leKharityhulam leWCED ngo-2008, ukuze ngokwenjenjalo, kuqinisekiswe ukuba zonke izikolo ziyafikelela kwezi zibonelelo zokuncedisa ukufunda nokufundisa. Ezinye izaziso ziya kulandela zakuba izibonelelo ezo zifumaneka kwiziko lewebhu (website).
|
6. |
Ukuze ufumane iinkcukacha ezingaphezulu malunga nezibonelelo zokuncedisa ukufunda nokufundisa ze-HIV/AIDS, kucetyiswa ukuba uqhagamshelane nabacebisi bekharityhulam be-EMDC, nabacwangcisi bekharityhulam abakhulu bakwaNdlunkulu no-Paul Hendricks okanye u-Angelique duToit weYunithi ye-HIV/AIDS kule nombolo yefoni: 021 467 2101 okanye kule imeyili agdutoit@pgwc.gov.za.
|
ISAYINWE: NGU-M.J. THERON
INTLOKO: YESEBE LEMFUNDO
UMHLA: 2007:09:07
|