| 1. |
ISebe leMfundo eNtshona Koloni licela zonke iinqununu, iikomiti zolawulo zezikolo, amabhunga olawulo ezikolo, ootitshala, abazali nabafundi ukuba batyumbe ootitshala bemathematika, isayensi nethekhinoloji abasenkonzweni nabasele besidla umhlala-phantsi kwiindawo abakuzo ukuba bangenele amaBhaso oNyaka 2007 ka-Aggrey Klaaste okuWonga uTitshala oGqwesileyo kwiMathematika, iSayensi neThekhinoloji.
|
| 2. |
Abaxhasi ngezimali abaphambili bala mabhaso okutshatshela ekufundiseni ezi zifundo zibaluleke kangaka ngu-Telkom Fondation ne-The Sowetan.
|
| 3. |
Kucelwa niqaphele le ngcaciso ibalulekileyo ilandelayo emalunga nokutyumba ootitshala:
|
| 3.1 |
Ifom yokutyumba ifakwe apha kule ngcaciso imfutshane. Iifotokopi zale fom yokutyumba ziya kwamkeleka nazo.
|
| 3.2 |
Kucelwa ukuba kutyunjwe ootitshala abakula mahlelo alandelayo:
| (i) |
Utitshala osenkonzweni: Isigaba seFET (AmaBakala 10 -12)
|
| (ii) |
Utitshala osenkonzweni: Isigaba seGET (AmaBakala 4 - 9)
|
| (iii) |
Utitshala odla umhlala-phantsi
|
|
| 3.3 |
Kucelwa niqinisekise ukuba ifom yokutyumba izaliswe ngokuchanekileyo nangokupheleleyo.
|
| 3.4 |
Abatyumbi mabasebenzise iikhrayitheriya zokutyumba ezikwifom yokutyumba ukuvavanya ukuba ngaba umtyunjwa ukulungele kusini na okanye unazo kusini na iimpawu eziyimfuneko zokuba atyunjelwe eli bhaso.
|
| 3.5 |
Ngamnye umtyunjwa kufuneka alungise iphotifoliyo emayingeniswe nefom yokutyumba ezaliswe ngokupheleleyo kwi-EMDC eya kusetyenziswa xa kugwetywayo.
|
| 3.6 |
Iifom ezizaliswe ngokupheleleyo mazithunyelwe kumcebisi ngezekharityhulam oyintloko kwi-EMDC yakho, zibhalwe ngokucacileyo oku "For the attention: Chief Curriculum Adviser - Maths, Science and Technology Educator of the Year Awards 2007. Umhla wokuvala ukungeniswa kwamagama abatyunjwa yi-1 Oktobha 2007.
|
| 4. |
Abazuze amabhaso ephondo kumahlelo amathathu baya kuqwalaselelwa amabhaso kazwelonke, naya kunikezelwa eRhawutini ngoMatshi 2008.
|
| 5. |
Kucelwa ufunde kwicala elingasemva lefom yokutyumba inkcazo ngamabhaso aya kunikezelwa kwinqanaba lephondo nakwinqanaba likazwelonke.
|
| 6. |
Izikolo ekugxilwe kuzo ze-Dinaledi and Technology/Engineering ziyakhuthazwa ngamandla ukuba zityumbe ootitshala abafaneleyo ukufumana la mabhaso kumahlelo ahlukeneyo.
|
| 7. |
Ukuba ufuna ingcaciso engaphezulu, qhagamshelana nomcebisi ngezekharityhulam wesayensi, imathematika nethekhinoloji kwi-EMDC yakho okanye nomquququzeleli wephondo uGavin de Bruyn kule nombolo yefoni 021 467 2575 okanye ngale dilesi ye-imeyili gdebruyn@pgwc.gov.za
|
| 8. |
Siya kuluthakazelela uncedo lwakho lokuthathela ingqalelo imigudu yootitshala abatshatsheleyo. |
ISAYINWE: NGU-E. KIRSTEN
INTLOKO: YESEBE LEMFUNDO
UMHLA: 2007:08:22
|