1.1 |
Indawo eya kuqhubekela kuyo inkomfa yiCollege of Cape Town, Crawford Campus, Kromboom Road, Crawford. Indawo eya banjelwa kuyo yiMain Hall.
|
1.2 |
Ubhaliso luya kuba ngoLwesihlanu, we-24 Agasti 2007, ngo-9.00 ize inkqubo yosuku iphele nge-19:00. NgoMgqibelo, we-25 Agasti 2007, iiseshoni ziya kuqala ngo-8.30 ukuya ku-15.30.
|
1.3 |
Amagosa e-WCED, abaphathi bezikolo neengcali zikazwelonke nezamazwe ngamazwe ezijongene noMgangatho kwiMfundo ziya kusingatha iprogram yenkomfa.
|
1.4 |
Le nkomfa iya kuqalisa iingxoxo phakathi kwabathunywa ngoMgangatho kwiMfundo yaye iya kugxininisa ukubaluleka kokuphendula ngezenzo zakho (accountability) ukwenzela ukuphucula umgangatho kwinkqubo yemfundo.
|
1.5 |
Iiplenari neeseshoni zekhefu ziya kunika iqonga lokuvelisa iimbono ngokuphuculwa komgangatho wolawulo kwinkqubo yemfundo.
|
2.1 |
Akusayi kubakho ntlawulo ekhutshwayo ngokuya kule nkomfa.
|
2.2 |
Ikho inkxaso-mali kwabo bathunywa baya kuhamba ngaphezu kwe-100 km ukuya kwindawo ekuqhubeka kuyo inkomfa (o.k.t. uhambo lokuya nokubuya olungama-200 km).
|
2.3 |
ICandelo loQinisekiso lweMigangatho liya kuncedisa abathunywa abaya kufuna indawo yokuhlala ngexesha lokuqhubeka kwenkomfa ngokubazisa ngeendawo zokuhlala ezinokufumaneka. Iindleko zendawo yokuhlala ziya kuhlawulwa ngumthunywa ngokwakhe.
|
3.1 |
Kuya kusivuyisa kakhulu ukuba kubekho abathunywa abasuka kuzo zonke ii-EMDC. Ngoko ke kubalulekile ukuba abathunywa abanomdla babhalise okwethutyana phambi kowe-15 Juni 2007 (Funda isihlomelo)
|
3.2 |
Kulindeleke ukuba babe baninzi abathunywa abafuna indawo yokuhlala abaya kwenza izicelo, ngoko ke abantu abanomdla bayakhuthazwa ukuba benze izicelo ngokukhawuleza.
|
3.3 |
Abenzi-sicelo baya kuthunyelwa ileta ebaqinisekisayo (confirmation) phambi kwe-17 Julayi. Ileta ebaqinisekisayo iya kuhamba kunye neprogram yokugqibela (final programme) kunye noluhlu lwabaza kuthetha (presenters).
|
4. |
Eminye imibuzo emalunga nale nkomfa ingathunyelwa kwiCandelo loQinisekiso lweMigangatho (Directorate: Quality Assurance) kulo lprimo@pgwc.gov.za.
|
5. |
Ziyacelwa izikolo ukuba zazise okubhalwe kule ngcaciso emfutshane bonke abachaphazelekayo ukuze bakuthathele ingqalelo.
|
ISAYINWE: NGU-L.J. ROSE
INTLOKO: YESEBE LEMFUNDO
UMHLA: 2007:05:04
|