1. |
Ikopi yekhalenda ye-PMDS yemijikelo ka-2006/2007 neka-2007/2008 iya kuthunyelwa kubo bonke abaphathi, iisuphavayiza nakootitshala abasezi-ofisini.
|
2. |
Abaphathi neesuphavayiza bayakhunjuzwa ukuba banike bonke ootitshala abasezi-ofisini abasisigxina, abasekondiweyo nabethutyana isaziso kwangethuba esimalunga nee-apreyizali zentsebenzo yonyaka (annual performance appraisals) ezenziwa qho ngonyaka nokuba babekele bucala ixesha lezi apreyizali ngoMatshi.
|
3. |
Inqanaba lesibini lokumodareyitha, ekuthi kulo kufuneke abaphathi neesuphavayiza baxoxe ngamanqaku okuqala (preliminary scores), maliqhutywe ungadlulanga owe-31 Matshi 2007. IsiKhokelo esivunyiweyo sokuModareyitha siza kufika kuni kungekudala.
|
4. |
Abaphathi neesuphavayiza bayakhunjuzwa kwakhona ukuba, kumjikelo ophela nge-31 Matshi 2007, isiCwangciso seNtsebenzo neZiphiwo zoMntu (Work Plan and Capabilities) ziya kuba namanqaku ayi-50 kwinto nganye ukuvumela iyantlukwano (differentiation).
|
5. |
Kufanele kuqatshelwe ukuba amanqaku aphezulu eZiphiwo zoMntu (Capabilities) akanakunikwa ukuba iithagethi kwisiCwangciso somSebenzi (Work Plan) azifikelelwanga.
|
6. |
Kufuneka amanqaku ayi-50% ewonke ukuze umntu afaneleke ukufumana uchatha oyi-1% kumvuzo (pay progression). Oku kuya kwenza amanqaku ootitshala abasezi-ofisini angqinelane nalawo ootitshala abasezikolweni.
|
7. |
Ukufakwa kwamanqaku omjikelo ka-2006/2007 kufanele kufike kwiCandelo loLawulo lwemiGangatho (Directorate: Quality Assurance) ungadlulanga owe-11 Meyi 2007. Ithempleyithi yamanqaku iya kuthunyelwa kubo bonke abaphathi ekupheleni kukaMatshi.
|
8. |
Nceda wazise okubhalwe kule ngcaciso emfutshane abaqeshwa abachaphazelekayo.
|
ISAYINWE: NGU-L.J. ROSE
INTLOKO: YESEBE LEMFUNDO
UMHLA: 2007:02:28
|