| 1. |
IBhunga loThetha-thethwano neMibutho yaBasebenzi beNkonzo kaRhulumente (Public Service Bargaining Council (PSCBC)) lenza isigqibo nge-18 Novemba 2003 (PSCBC Resolution 7 of 2003) esasilungiselela ukuthathelwa ingqalelo kwenkonzo yabo babekwimikhosi eyayingeyiyo ekarhulumente (Non-Statutory Forces (NSFs)) ngexesha langaphambili njengenkonzo etsalelwa umrhumo wepenshini ngamalungu eNgxowa-mali yePenshini yabaQeshwa bakaRhulumente (GEPF). Isigqibo saqalisa ukusebenza nge-31 Matshi 2004, umhla wokupapashwa kwemigaqo echaphazelekayo efakelwe izilungiso yeNgxowa-mali yePenshini yaBaqeshwa beNkonzo kaRhulumente i-GEPF. Bonke abaqeshwa abanokufaneleka njengabanelungelo banikwa ithuba lokuba bafake izicelo zokuba kuthathelwe ingqalelo loo minyaka njengenkonzo etsalelwa umrhumo wepenshini.
|
| 2. |
Abantu abangahle bafaneleke koku ngabaqeshwa ababesakuba ngamalungu emikhosi eyayingeyiyo ekarhulumente (Non-Statutory Forces (NSFs)) ngexesha langaphambili nabaqeshwa kwizithuba zengqesho kwiNkonzo kaRhulumente phambi kwe-31 Matshi 2002. Ingcaciso-gama ebanzi yeli binzana "ilungu elalisakuba kumkhosi owawungenguwo okarhulumente (former member of a non-statutory forces)" ikwiSiqendu 1 soMthetho weNgxowa-mali yePenshini yaBaqeshwa beNkonzo kaRhulumente oFakelwe iMibandela, 2003 (Government Employees Pension Law Amendment Act 2003), kwaye ibandakanya abo bantu njengangoku abaphumayo kwiNkonzo kaRhulumente (ngenxa yokuthatha umhlala-phantsi, yokurhoxa enkonzweni, yokukhutshwa, njl. njl.) kwakunye nabantu ababeqeshiwe, kodwa abangazange bafakwe kwiGEPF.
|
| 3. |
Inkonzo kwi-NSFs ingathathelwa ingqalelo ngokwezi zikhokelo zilandelayo:
|
| 3.1 |
Inkonzo kwi-NSFs, okokuqala nje, ichazwa njengethuba eliphakathi komhla ongqiniweyo wokujoyina imikhosi eyayingeyiyo ekarhulumente kunye nomhla wokuqeshwa kwiNkonzo kaRhulumente (kodwa akubandakanywa inkonzo engaphambi kobudala beminyaka eyi-16).
|
| 3.2 |
Inkonzo iya kuqatshelwa ngohlobo lomlinganiselo othathela ingqalelo izinto ezininzi apho ithuba elide liya kuvuzwa bhetele kunethuba elincinane:
|
| 3.2.1 |
Kuya kuthathelwa ingqalelo i-50% yenkonzo kwabo babesakuba ngamalungu eNSF abankonzo yabo kwiNSF ingaphantsi kweminyaka eli-10,
|
| 3.2.2 |
Kuya kuthathelwa ingqalelo i-100% yenkonzo kwabo babesakuba ngamalungu eNSF abankonzo yabo kwiNSF iyiminyaka eli-10 okanye ingaphezu koko.
|
| 3.3 |
Kuya kufuneka abantu abafanelekileyo bakhuphe umrhumo ngereyithi eyi-5% ngokumalunga nenkonzo ethathelwa ingqalelo. Abantu abangenako ukukwenza oku okanye abakhetha ukungahlawuli mrhumo womqeshwa, inkonzo etsalelwa umrhumo wepenshini iya kuncitshiswa kwangolo hlobo.
|
| 3.4 |
Abantu abazuzayo kwesi sigqibo baya kukhutshelwa ecaleni kuzo naziphi na ezinye izibonelelo eziya kuhlawulwa phantsi koMthetho weePenshini eziZodwa, 1966 (Special Pensions Act, 1966). Naziphi na izixa-mali kunye nazo zonke izixa-mali ezihlawulwa kubantu abafanelekileyo nabamele bafumane ipenshini eyodwa ngazo okanye isibonelelo sokuchithwa kwamabutho phantsi koMthetho wokuChithwa kwamaButho, 1966 (Demobilisation Act, 1966), ngomhla wokuthathela ingqalelo inkonzo yeNSF, ziya kuthathelwa ingqalelo xa kubalwa inkonzo eyongezelelweyo phantsi kwale migaqo, ngaphandle kokuba amalungu akhetha ukulibuyisela ixabiso lezi zibonelelo kule Ngxowa-mali yeGEPF.
|
| 4. |
Ukuba nabani na unoluvo lokuba wayekwinkonzo yeNSF ngexesha langaphambili nengahle ithathelwe ingqalelo ngokwale migaqo ichazwe apha ngentla nemayongezwe kwinkonzo etsalelwa umrhumo wepenshini njengelungu leNgxowa-mali yePenshini yaBaqeshwa bakaRhulumente, makangenise iinkcukacha ezipheleleyo zelo thuba lokubakwinkonzo ye-NSF kwi-Ofisi yezaBasebenzi (Personnel Office) (beNkonzo kaRhulumente) kwaNdlunkulu weSebe iWCED ngefeksi okanye ngefoni ungadlulanga owe-30 Matshi 2007.
|
| 5. |
Kucelwa wazise okukule ngcaciso imfutshane bonke abasebenzi abaphantsi kolawulo lwakho.
|
ISAYINWE: NGU-W.T. WILKINSON
INTLOKO: YESEBE LEMFUNDO
UMHLA: 2007:03:28
|