| 1. |
Ukwenzela ukuxhasa ukuphunyezwa kweNkcazo yeKharityhulam kaZwelonke kwiBakala 12 ngo-2008, iSebe leMfundo leNtshona Koloni (WCED) liqalise iprojekthi eyodwa yokubonelela abafundi beBakala 12 ngencwadi yesifundo (textbook) enye kwisifundo ngasinye sezifundo zabo ezisi-7.
|
| 2. |
ISetyhula 0022/2007 yanika izikolo ithuba loku-odola iincwadi kuluhlu lweencwadi lukazwelonke lweBakala 12.
|
| 3. |
Isaziso seSebe iWCED, somhla we-19 Juni 2007, sanika izikolo imvume yokuba zikhe zizimise ii-odolo zazo zezi zifundo zilandelayo: Agricultural Sciences, Dance Studies, Engineering Graphics & Design, Mechanical Technology, Dramatic Arts and Information Technology, njengoko ukhetho lwencwadi yesifundo nganye belufumaneka ngenguqulelo yesiNgesi kuphela.
|
| 4. |
ISebe leMfundo likazwelonke selivakalise kwangoko ukuba kubonakala ngathi akukho ncwadi zokufunda zamkelweyo kwi-Agricultural Sciences, Dance Studies nakwi-Information Technology. Izikolo ezazizimisile ii-odolo zezi zifundo zinako ngoku uku-odola kwikhathalogu yeBakala 12 yokuqala njengoko kungasayi kubakho zincwadi zizezinye kwikhathalogu eyongezelelayo (supplementary catalogue) kwezi zifundo. Ezi zikolo mazingenise ii-odolo zazo ungadlulanga owe-23 Novemba 2007 kwifom yerikhwizishini efakelwe izilungiso, eqhotyoshelwe kule ngcaciso imfutshane njengesiHlomelo A. Isicatshulwa (abstract) esithathwe kuluhlu lweencwadi lweBakala 12 siqhotyoshelwe njengesiHlomelo B.
|
| 5. |
Kucelwa niqaphele ukuba ii-odolo zeencwadi zezifundo zeBakala 12 zika-2008 mazingadluli, kwimeko yesifundo ngasinye, kwinani labafundi ababhalisele iBakala 11 ngo-2007 kwisifundo ngasinye. Le projekthi yenza kuphela isibonelelo seencwadi zezifundo ezinyanzelekileyo ezisi-7 zokuqala zomfundi ngamnye.
|
| 6. |
Izikolo ezizimisileyo ii-odolo zazo kwi-Engineering, Graphics & Design, Mechanical Technology, Dramatic Arts, Civil Technology, Design, Electrical Technology neVisual Arts zimele, okwakalokunje, zizalise ifom yerikhwizishini (eqhotyoshelwe kule ngcaciso imfutshane njengesiHlomelo C), ebonisa inani leencwadi zezifundo nezikhokelo zootitshala ezifunekayo. Ezi zikolo mazingenise iifom zerikhwizishini zazo ezigqityiweyo, kubandakanywa nencwadi yesifundo eziyikhethileyo kwisifundo ngasinye sezi zifundo, lwakuba nje lufumaneka nge-30 Novemba 2007 uluhlu lukazwelonke lweencwadi olongezelelayo lweBakala 12.
|
| 7. |
Ukwenzela ukuqinisekisa ukuba iincwadi zezifundo ziyasiwa esikolweni ungadlulanga owe-18 Januwari 2008, isikolo ngasinye masityumbe utitshala ekunokuqhagamshelwana naye lwakuba nje uluhlu olongezelelayo lufumaneka. Uyacelwa ukuba usibuyisele isiHlomelo D esiqhotyoshelweyo, unike kuso iinkcukacha zaloo titshala utyunjiweyo, kuNksz Priscilla Phillips kule dilesi ye-imeyili ptphillips@pgwc.gov.za okanye kule feksi 021 903 9473 ungadlulanga umhla we-23 Novemba 2007.
|
| 8. |
Iifom zerikhwizishini mazisayinwe yinqununu zize zifakwe isitampu sesikolo. Iifom ezinesitampu neefom zerikhwizishini ezisayiniweyo mazingeniswe ngesandla kuMrs P Phillips, e-Education Multicentre, Nooiensfontein Rd, Kuils River, okanye ziposelwe ku-Private Bag X14, Kuils River, 7579.
|
| 9. |
IsiHlomelo A (esiyirikhwizishini ye-Agricultural Sciences, Dance Studies ne-Information Technology) nesiHlomelo D (esiziinkcukacha zoqhagamshelwano zikatitshala) mazibuyiswe ungadlulanga owe-23 Novemba 2007. IsiHlomelo C (esiyirikhwizishini eyongezelelayo) masibuselwe ungadlulanga owe-4 Disemba 2007.
|
| 10. |
Ziyakhunjuzwa kwakhona iinqununu ukuba zingavumeli ukuba izikolo zithenge ngokugqithisileyo iincwadi zezifundo ezithengwe ngeprojekthi eyodwa (special project) nokuba kusetyenziswa idatha ye-CEMIS ukuqinisekisa amanani obhaliso lwabafundi.
|
ISAYINWE: NGU-P. SATYO
INTLOKO: YESEBE LEMFUNDO
UMHLA: 2007:11:20
|